«ЧАКАН-МЕРОСИ ШИГАРФИ ФАРҲАНГ». Дар Китобхонаи миллии Тоҷикистон ҳамоиш доир гардид
ДУШАНБЕ, 27.12.2024. /АМИТ «Ховар»/. Имрӯз бо ташаббуси Маркази «Тоҷикшиносӣ»-и Муассисаи давлатии «Китобхонаи миллӣ» таҳти унвони «Чакан — мероси шигарфи фарҳанг» бо иштироки устоди Донишгоҳи миллии Тоҷикистон, номзади илмҳои таърих Ҷонибек Асрориён маҳфили «Тоҷикшиносӣ» баргузор гардид. Дар ин хусус ба АМИТ «Ховар» дар Китобхонаи миллии Тоҷикистон хабар доданд.
Таъкид шуд, ки чакан гулдӯзии одӣ набуда, пайдоиши он ба ҳазораи дуюми пеш аз милод рост меояд. Оид ба кашидадӯзӣ дар китобҳои «Авасто», «Шоҳнома» ва осори бисёр адибони гузашта маълумот ёфтан мумкин аст. Ҳар нақшу нигори болои чакан ба худ маъние дорад ва розҳои модарони тоҷикро инъикос мекунад.
Иброз шуд, ки бо мақсади ташвиқу тарғиби анъанаҳои неки ниёгон, бахусус эҳёи ҳунари гулдӯзии тоҷикон пайваста фестивалу озмунҳо, конфронсу симпозиум ва дигар барномаҳои фарҳангӣ амалӣ мегарданд. Дар доираи онҳо тарроҳону ҳунармандон, чакандӯзону наққошон ва аҳли илму фарҳанг маҳсули эҷодашонро ба маърази намоиш мегузоранд.
Ёдовар мешавем, ки бо иқдоми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ҷаласаи 13-уми Кумитаи байниҳукуматӣ оид ба ҳифзи мероси фарҳанги ғайримоддии ЮНЕСКО номинатсияи «Чакан, ҳунари гулдӯзӣ» дар Ҷумҳурии Тоҷикистон аз ҷониби ин Созмон расман ба мероси фарҳанги ғайримоддии башарият ворид гардид.
Дар ҳамоиш иттилоъ дода шуд, ки Маркази «Тоҷикшиносӣ» барои баланд бардоштани ҳисси ватандӯстию хештаншиносӣ ва рушди фарҳанги миллӣ дар мавзуъҳои зерин: «Забони миллат — ҳастии миллат», ««Тоҷикон»-и Бобоҷон Ғафуров ва марҳилаҳои худшиносии тоҷикон», «Нақши сиккаҳо дар шинохти давлати Сомониён», «Ҳифзи манфиатҳои миллӣ ва воситаҳои электронии ахбор дар шароити ҷаҳонишавӣ», ««Шоҳнома»-и Ҳаким Фирдавсӣ ва таҳкими андешаи миллӣ» маҳфилҳо баргузор намудааст.
АКС: Китобхонаи миллии Тоҷикистон
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
