Дар Бонки миллии Тоҷикистон масъалаи татбиқи лоиҳаи Корпоратсияи Байналмилалии Молиявӣ (IFC) баррасӣ гардид
ДУШАНБЕ, 24.12.2024. /АМИТ «Ховар»/. 23 декабр мулоқоти Раиси Бонки миллии Тоҷикистон Фирдавс Толибзода бо ҳайати Гурӯҳи Бонки ҷаҳонӣ баргузор гардид, ки дар он ҷонибҳо масъалаи татбиқи лоиҳаи Корпоратсияи байналмилалии молиявӣ (IFC) «Маблағгузорӣ дар асоси дороиҳои манқул» (Asset based Finance – ABF) барои соҳибкории хурду миёна дар Ҷумҳурии Тоҷикистонро баррасӣ намуданд. Дар ин хусус ба АМИТ «Ховар» дар Бонки миллии Тоҷикистон хабар доданд.
Раиси Бонки миллии Тоҷикистон Фирдавс Толибзода барои ҳамкории чандинсолаи пурсамар ва ҳиссагузорӣ дар рушди устувори иқтисодии мамлакат ба Гурӯҳи Бонки ҷаҳонӣ (Бонки ҷаҳонӣ/IFC), ки аз ҷумлаи шарикони боэътимоди рушди Ҷумҳурии Тоҷикистон аст, арзи сипос намуд. Мавсуф иброз дошт, ки яке аз самтҳои муҳимми ҳамкорӣ бо Бонки ҷаҳонӣ рушди фарогирии молиявӣ, бахусус дар бахшҳои рақамикунонӣ ва беҳтар намудани фазои сармоягузорӣ мебошад.
Гуфта шуд, ки 29 сентябри соли 2023 дар ҷараёни Форуми байналмилалии «Душанбе-инвест 2023» Бонки миллии Тоҷикистон бо IFC Харитаи роҳ оид ба амалисозии лоиҳаи IFC «Маблағгузорӣ дар асоси дороиҳои манқул» барои соҳибкории хурду миёна дар Ҷумҳурии Тоҷикистон барои солҳои 2023-2024-ро ба имзо расонид. Дар айни замон ин масъала мавриди корбарӣ қарор дорад.
«Татбиқи лоиҳаи «Маблағгузорӣ дар асоси дороиҳои манқул» барои амалисозии мақсадҳои Бонки миллии Тоҷикистон дар самти такмили заминаи меъёрии ҳуқуқии мабалағгузорӣ дар асоси дороиҳои манқул, фарогирӣ ва баланд бардоштани иқтидори онҳо заминаи мусоид фароҳам меорад», — гуфт Фирдавс Толибзода.
Роҳбари намояндаи доимии Гурӯҳи Бонки ҷаҳонӣ дар Тоҷикистон Озан Севимлӣ ба Бонки миллии Тоҷикистон барои дастгирии доимӣ ва ҳамкории судманд дар рушди бахши молиявии Ҷумҳурии Тоҷикистон арзи сипос карда, барои боз ҳам тавсеа бахшидани ҳамкорӣ, аз ҷумла дар самти татбиқи босамари ин лоиҳа изҳори омодагӣ намуд.
Зимни вохӯрӣ ҷонибҳо вобаста ба ташаккули иқтисоди «сабз», платформаи маблағгузорӣ дар асоси дороиҳои манқул, платформаи феҳристи қарзӣ ва портали ягонаи ҳисоботи оморӣ, суръат бахшидани раванди рақамикунонии иқтисодиёти Тоҷикистон, дастгирии соҳибкории хусусӣ, ҷалби маблағгузорӣ ба бахши хусусӣ ва дигар масъалаҳои низоми бонкӣ табодули назар намуданд.
Иброз гардид, ки ҳамкории Бонки миллии Тоҷикистон ва Гурӯҳи Бонки ҷаҳонӣ минбаъд низ густариш меёбад.
АКС: Бонки миллии Тоҷикистон
Сокини ноҳияи Ҷайҳун Каримҷон Бутаев 50 сол боз ба анорпарварӣ машғул аст
Дар Шуғнон корхонаи нави истеҳсоли асфалт ба фаъолият оғоз кард
Нақши Тоҷикистон дар таҳкими амнияти ядроӣ ва радиатсионӣ баланд арзёбӣ гардид
Масъалаи таҳвили гази табиӣ аз Узбекистон ба Тоҷикистон дар давраи тирамоҳу зимистон баррасӣ карда шуд
Мутахассисони соҳаи энергетикаи Қирғизистон бо Неругоҳи барқи обии «Роғун» шинос шуданд
Тоҷикистон ва ИМА ҳамкориро дар самти тиҷораткунонии ихтироот тақвият мебахшанд
Дар Қазоқистон Намоишгоҳи маҳсулоти кишоварзӣ, саноатӣ, ҳунарҳои мардумӣ ва таомҳои миллии Хатлон оғоз мегардад
«Flaynas» ояндаи наздик дар масири Ҷидда-Душанбе-Ҷидда парвозҳои мустақими ҳавоӣ оғоз менамояд
Дар Бонки миллии Тоҷикистон имконияти платформаи рақамии амалиёти факторингӣ бо ширкати «OZPLANET» баррасӣ шуд
Дар Хоруғ корхонаи истеҳсоли макарон бунёд карда мешавад
Дар Тоҷикистон лоиҳаи «Стратегияи миллии ҳифзи гуногунии биологӣ» таҳия карда мешавад
Байни Тоҷикистон ва Беларус оид ба ҳамкории тиҷоратию иқтисодӣ даҳ санади ҳамкорӣ ба имзо расид
