Ҷаласаи навбатии Шурои ҳамоҳангсозии фаъолияти мақомоти санҷишӣ доир шуд
ДУШАНБЕ, 25.12.2024. /АМИТ «Ховар»/. 24 декабр дар Китобхонаи миллии Тоҷикистон ҷаласаи навбатии Шурои ҳамоҳангсозии фаъолияти мақомоти санҷишӣ таҳти роҳбарии муовини якуми Сарвазири Ҷумҳурии Тоҷикистон, Раиси Шурои ҳамоҳангсозии фаъолияти мақомоти санҷишӣ Ҳоким Холиқзода доир гардид. Дар ин хусус АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон хабар медиҳад.
Дар доираи ҷаласа масъалаҳо оид ба таҷрибаи татбиқи ислоҳоти соҳа, татбиқи қонунгузорӣ дар самти санҷиши фаъолияти субъектҳои хоҷагидор, таъмини риоя ва иҷрои дақиқи қонунгузории соҳаи санҷиши фаъолияти субъектҳои хоҷагидор мавриди баррасӣ қарор гирифт.
Иттилоъ дода шуд, ки дар раванди идомаи ислоҳот дар соҳаи санҷиши фаъолияти субъектҳои хоҷагидор дар доираи қонун шумораи мақомоти санҷишӣ аз 31 ба 23 адад кам гардида, тамоюли устувори давра ба давра кам шудани миқдори санҷишҳои фаъолияти субъектҳои хоҷагидор ба мушоҳида мерасад.
Тибқи нақшаҳои дар мувофиқа бо Шурои ҳамоҳангсозии фаъолияти мақомоти санҷишӣ тасдиқгардида, соли 2024 нисбат ба нишондиҳандаи соли 2023 тамоюли камшавӣ дида мешавад.
Тибқи рӯзномаи ҷаласа оид ба таъмини риоя ва иҷрои талаботи қонунгузорӣ дар соҳаи санҷиши фаъолияти субъектҳои хоҷагидор дар ҷаласа оид ба дахолати беасоси масъулини мақомоти назоратию санҷишӣ ба фаъолияти хоҷагидории сармоягузорону соҳибкорон сухан гуфта шуд. Ҳамзамон ҳисоботи роҳбарони мақомоти санҷишӣ шунида шуд.
Дар робита ба муқаррароти Қонуни Ҷумҳурии Тоҷикистон «Дар бораи санҷиши фаъолияти субъектҳои хоҷагидор», «Низомномаи Шурои ҳамоҳангсозии фаъолияти мақомоти санҷишӣ» ва «Қоидаҳои муайян намудани меъёрҳои арзёбии дараҷаи таваккали фаъолияти субъекти хоҷагидор» Номгӯи меъёрҳои арзёбии дараҷаи таваккали мақомоти санҷишӣ, Номгӯи масъалаҳои назоратӣ ва Нақшаи гузаронидани санҷишҳо барои соли 2025 мавриди баррасӣ қарор гирифта, вобаста ба онҳо қарорҳои дахлдор қабул карда шуданд.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Муовини Сарвазири Тоҷикистон дар ноҳияҳои Хатлон бо корҳои саҳроӣ шинос шуд
Дар Тоҷикистон ҷамъоварии пиёзи барвақтӣ оғоз гардид
Дар Зафаробод дар беш аз 14 ҳазор гектар пунбадона кишт карда мешавад
«Маркази рақамикунонии соҳаи нақлиёт» соҳиби мақоми резиденти IT-Park Dushanbe шуд
Дар Душанбе савдои фаромарзии бекоғаз ва экосистемаи рақамии тиҷорати электронӣ баррасӣ гардид
Ҷаласаи нахустини гурӯҳи кории Тоҷикистону Русия оид ба ҳамкорӣ дар соҳаи рақамикунонӣ ва технологияҳои иттилоотӣ баргузор гардид
Иқтисодчиён дар ҳалли масъалаҳои рушди иқтисодӣ ва иҷтимоии Тоҷикистон нақши барҷаста доранд
Дурнамои ҳамкории иқтисодии Тоҷикистон бо Хазинаи байналмилалии асъор баррасӣ гардид
Дар Вазорати рушди иқтисод ва савдо ба муносибати Рӯзи иқтисодчиён ҳамоиши тантанавӣ доир гардид
Тоҷикистон ва Иттиҳоди Аврупо дар самти рақамикунонии иқтисод ва идоракунии давлатӣ ҳамкориро тақвият медиҳанд
Тоҷикистон ва Иттиҳоди Аврупо ҳамкориро дар соҳаи ҳифзи муҳити зист тақвият мебахшанд
ИМРӮЗ — РӮЗИ ИҚТИСОДЧИЁН. То соли 2030 ҳаҷми маҷмӯи маҳсулоти дохилӣ 1,8 маротиба афзоиш дода мешавад
