Дар шаҳри Ваҳдат 5390 кг маҳсулоти пастсифат ва хатарнок нобуд карда шуд
ВАҲДАТ, 12.12.2024 /АМИТ «Ховар»/. Мутахассисони озмоишгоҳи Маркази ташхиси минтақавии «Тоҷикстандарт» дар шаҳри Ваҳдат дар 11 моҳи соли 2024 1870 номгӯй маҳсулоти хӯроквориро аз ташхис гузарониданд, ки дар натиҷа 93 номгӯй маҳсулоти хӯрокворӣ бо ҳаҷми 1204 кг ғайристандартӣ дониста шуда, аз бозори истеъмолӣ мусодира гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд директори Маркази ташхиси минтақавии «Тоҷикстандарт» дар шаҳри Ваҳдат Пулод Мирализода иттилоъ дод.
Соли равон дар натиҷаи санҷишҳои мутахассисони марказ маҳсулоти хатарнок ва ғайристандартӣ ошкор гардид. Дар асоси талаботи Кодекси ҳуқуқвайронкунии Ҷумҳурии Тоҷикистон дар 209 ҳолат парвандаҳои ҳуқуқвайронкунӣ оғоз шуда, ба маблағи 88 ҳазору 704 сомонӣ ҷарима карда шуданд. Дар натиҷа 5390 кг маҳсулоти пастсифат, ғайристандартии муҳлати истеъмолашон гузашта ва хатарнок, аз қабили маҳсулоти гӯштӣ, равғани растанӣ, нӯшокиҳои ташнагишикан, машруботи спиртӣ, молҳои атриёт, бозичаҳои кӯдакона ва дигар намуд мусодира ва бо иштироки ҳайати комиссияи давлатӣ нобуд карда шуданд.
Дар 11 моҳи соли 2024 мутахассисони бахши санҷиш ва назорати давлатии воситаҳои ченаки Маркази ташхиси минтақавии «Тоҷикстандарт» дар шаҳри Ваҳдат 7895 воситаи ченакро аз назорати давлатӣ гузаронида, бо шаҳодатномаи ваколатдор таъмин намуданд.
АКС аз бойгонӣ
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
Дар Коллеҷи омӯзгорӣ ва рақамикунонии шаҳри Бохтар Озмуни ҷумҳуриявии «Илм — фурӯғи маърифат» баргузор шуд
Имрӯз дар Тоҷикистон борони кӯтоҳмуддат меборад
33-солагии таъсиси Қувваҳои Мусаллаҳро дар Донишгоҳи байналмилалии сайёҳӣ ва соҳибкории Тоҷикистон таҷлил намуданд
Худшиносии миллӣ-меҳвари суботи стратегии давлат. Андешаҳо дар ин маврид
Имрӯз дар водиҳои Тоҷикистон ҳаво то 25 дараҷа гарм мешавад
ТАҚВИМИ АМИТ «ХОВАР»: имрӯз 20 феврал, ҷумъа, 51-умин рӯзи соли 2026 аст
Ҳайати Тоҷикистон дар Саммити ҷаҳонии «India AI Impact Summit 2026» иштирок намуд
Дар Донишкадаи давлатии санъати тасвирӣ ва дизайни Тоҷикистон бахшида ба 1050-солагии Робиаи Балхӣ маҳфили адабӣ доир шуд
МАКТАБИ МАРДОНАГӢ. Волидайни сарбозон ба қисмҳои ҳарбӣ ба дидори фарзандонашон рафтанд
Ба дӯстонатон рақами мобилиро барои муоширати муфид туҳфа намоед!
