Дар Шаҳринав бахшида ба Рӯзи байналмилалии мубориза бар зидди коррупсия конференсия доир гардид

Декабрь 9, 2024 18:00

ШАҲРИНАВ, 09.12.2024 /АМИТ «Ховар»/. Дар Мақомоти иҷроияи ҳокимияти давлатии ноҳияи Шаҳринав бо ташаббуси шуъбаи минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳру ноҳияҳои водии Ҳисор бахшида ба Рӯзи байналмилалии мубориза бар зидди коррупсия (9 декабр) дар мавзуи «Муқовимат ба коррупсия-кафили рушди давлатҳо» конференсияи илмӣ-назариявӣ баргузор гардид. Дар ин хусус ба хабарнигори АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Шаҳринав иттилоъ доданд.

Дар конференсия дар мавзуъҳои «Усулҳои амалигардонии муқовимат ба коррупсия», «Муқовимат ба коррупсия-тақозои замон ва ҷаҳони муосир», «Коррупсия ва хатари он ба ҷомеа», «Нақши «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030»», «Коррупсия-зуҳуроти номатлуби ҷомеа», «Мубориза бар зидди коррупсия амали дастҷамъонаро тақозо менамояд» ва «Аҳамияти муқовимат ба коррупсия дар соҳаи тандурустӣ» сухан гуфта шуд.

Мақсади асосии баргузории конференсия баланд бардоштани мафкураи зиддикоррупсионӣ ва маърифати ҳуқуқии аҳли ҷомеа, пешгирӣ намудани содиршавии ҳуқуқвайронкунии коррупсионӣ, таъмини иҷрои қонунҳо ва барномаҳои давлатии бар зидди коррупсия қабулшуда мебошад.


Тавре Пешвои миллат муҳтарам Эмомалӣ Раҳмон иброз доштаанд, «коррупсия зуҳуроти номатлуб ва барои ҷомеа хатарнок ба ҳисоб рафта, мубориза бар зидди он вазифаи асосии мақомоти давлатӣ, ниҳодҳои ҷомеаи шаҳрвандӣ ва ҳар сокини мамлакат мебошад».

Аз ин рӯ бо такя ба суханони Сарвари давлат ҳар фарди бонангу номуси Ватан ва хештаншиносу бедордил даъват карда шуд, ки бо ҳисси баланди ватандӯстӣ, ифтихор аз миллату давлат, шукргузорӣ аз Истиқлолияти давлатӣ ва фазои орому осуда зери сиёсати хирадмандонаи Пешвои миллат аз як гиребон сар бароварда, барои ояндаи дурахшони Тоҷикистон, посдории сулҳу субот, решакан намудани коррупсия ва ҷинояту ҷинояткорӣ дар сафи кормандони мақомоти ҳифзи ҳуқуқ қарор гиранд. Зеро танҳо бо ҳамдилию ҳамдигарфаҳмӣ ва ҳамбастагии миллӣ мо метавонем ба ҳадафҳои сиёсии зиддикоррупсионӣ дар мамлакат ноил гардем.

АКС: Мақомоти иҷроияи ҳокимияти давлатии ноҳияи Шаҳринав

Декабрь 9, 2024 18:00

Хабарҳои дигари ин бахш

Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад