ФУТБОЛ. Дмитрий Черишев сармураббии дастаи «Равшан»-и шаҳри Кӯлоб таъйин шуд

ДУШАНБЕ, 20.12.2024. /АМИТ «Ховар»/. Имрӯз президенти Клуби футболи «Равшан»-и шаҳри Кӯлоб Зафар Соҳибназар дар шаҳри Москва бо мураббии шинохта Дмитрий Черишев гуфтугӯ намуд. Онҳо барои фаъолияти якҷоя дар мавсими нави 2025 ба мувофиқа расида, шартномаи ҳамкорӣ  ба имзо расониданд. Дар ин хусус  директори   дастаи  футболи «Равшан»-и шаҳри  Кӯлоб  Ғайраталӣ  Мираҳмадов  ба шореҳи варзиши АМИТ «Ховар» иттилоъ дод.

Интизор меравад, ки Дмитрий Черишев рӯзҳои наздик ба  Ҷумҳурии Тоҷикистон омада, машқу тарминҳои дастҷамъонаро дар шаҳри Душанбе ва яке аз давлатҳои хориҷи мамлакат  баргузор намояд.

Бояд гуфт, ки  ситоди мураббиёни  Дмитрий Черишев дар давраи танаффуси футболбозон муайян карда шуда, баробари шуруъ ба тамринҳо дар аввали моҳи январ чанд футболбози ботаҷриба бо даъвати ин мутахассис ба даста дохил хоҳад шуд.

Фаъолияти мураббигии Дмитрий Черишев.

2003- Аранхуэс

2006—2010 «Реал Мадрид», дастаи кӯдакона

2010—2011 «Сибир», директори варзишӣ

2011—2012 «Волга» (НН)

2013—2014 «Зенит»

2014—2015 «Иртиш» (Павлодар)

2015—2016 «Севиля», мураббӣ

2016- Мордовия

2018—2019- Нижний Новгород

2022—2023- Санта-Колома

2024- «Шинник»

АКС аз манбаъҳои боз