Роҳи дорои аҳамияти ҷумҳуриявии Ҳисор-Шарора-Чимтеппа бо ҷалби соҳибкорон таъмир мегардад
ДУШАНБЕ, 20.12.2024 /АМИТ «Ховар»/. 8 километр роҳи дорои аҳамияти ҷумҳуриявии Ҳисор- Шарора-Чимтеппа /ноҳияи Рӯдакӣ/, ки солиёни зиёд рӯи таъмирро надидааст, бо ташаббуси соҳибкорон таъмир мегардад, иттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор.
Иҷрокунандаи вазифаи Раиси шаҳри Ҳисор Ҷаббор Носирзода бо соҳибкорон ва роҳбарони корхонаҳои саноатие, ки дар шафати ин роҳ ҷой гирифтаанд, мулоқот намуд.
Таъкид гардид, ки дар шаҳри Ҳисор қариб 245 километр роҳ, аз ҷумла 22,6 километр роҳҳои байналмилалӣ, 87,5 километр роҳи ҷумҳуриявӣ ва беш аз 134 километр роҳҳои маҳаллӣ мавҷуд буда, нигоҳдории он ба уҳдаи Муассисаи давлатии нигоҳдории роҳҳои автомобилгарди шаҳр мебошад.
Бар асари ҳаракати зиёди мошинҳои гаронвазни боркаш роҳи Ҳисор-Шарора-Чимтеппа вайрон шуда, солҳои зиёд аст, ки барои сокинону меҳмонони шаҳр, инчунин фаъолияти корхонаҳое, ки дар ин самт ҷойгир мебошанд, мушкилӣ эҷод намудааст. Бинобар ин Мақомоти иҷроияи ҳокимияти давлатии шаҳри Ҳисор тасмим гирифтааст, ки бо дастгирии соҳибкорон роҳи Ҳисор-Шарора-Чимтеппаро бо назардошти ҷӯйҳои обпарто таъмир ва чароғон намояд. Тибқи ҳисобҳои пешакӣ, барои таъмиру таҷдиди ин роҳ беш аз 7,2 миллион сомонӣ зарур мебошад.
Зимни вохӯрӣ раиси Ассотсиатсияи соҳибкорони шаҳри Ҳисор Рустам Саидов ин иқдомро дастгирӣ намуда, дигар соҳибкоронро низ ба ободии диёр, хусусан таъмиру таҷдиди роҳи Ҳисор-Шарора- Чимтеппа ҳидоят намуд.
Бояд гуфт, ки бахшида ба 35-солагии Истиқлоли давлатии Ҷумҳурии Тоҷикистон бо иқдоми Мақомоти иҷроияи ҳокимияти давлатии шаҳри Ҳисор ва дастгирии аҳолӣ ва соҳибкорон дар 11 моҳи соли 2024 зиёда аз 60 километр роҳҳо мумфарш, қариб 110 километр бетонпӯш ва зиёда аз 170 километр сангфарш карда шуданд.
Аз ҷониби Муассисаи давлатии нигоҳдории роҳҳои автомобилгарди шаҳри Ҳисор дар 13,6 километр роҳ таъмири ҷорӣ гузаронида шуд.
АКС: Мақомоти иҷроияи ҳокимияти давлатии шаҳри Ҳисор
35-СОЛАГИИ ИСТИҚЛОЛИ ДАВЛАТӢ. Дар ҷамоатҳо ва шаҳраки ноҳияи Мурғоб иншооти ҷашнӣ бунёд мешаванд
Сарвари давлат Эмомалӣ Раҳмон бо фаъолони соҳаи саноати вилояти Суғд мулоқот намуданд
Пешвои миллат Эмомалӣ Раҳмон дар ноҳияи Бобоҷон Ғафуров ба сохтмони корхонаи ғанигардонии маъдани оҳани ҶСП «Комбинати металлургии тоҷик» санги асос гузоштанд
Бинои Маркази таъминоти бехатарии озуқаворӣ дар шаҳри Конибодом навсозӣ мегардад
Президенти Тоҷикистон Эмомалӣ Раҳмон дар ноҳияи Бобоҷон Ғафуров корхонаи парандапарварии ҶДММ «Саховат»-ро ифтитоҳ намуданд
Пешвои миллат Эмомалӣ Раҳмон дар деҳаи Шамсободи ноҳияи Бобоҷон Ғафуров Маркази саломатиро мавриди истифода қарор доданд
Сарвари давлат Эмомалӣ Раҳмон дар ноҳияи Бобоҷон Ғафуров бинои Муассисаи таҳсилоти томактабии «Наврӯз»-ро баъд аз навсозӣ ба истифода доданд
Пешвои миллат Эмомалӣ Раҳмон дар шаҳри Хуҷанд корхонаи муштараки истеҳсоли профилҳои пластикӣ ва алюминии ҶДММ «Афранг Пластик»-ро мавриди истифода қарор доданд
Президенти Тоҷикистон Эмомалӣ Раҳмон дар шаҳри Хуҷанд корхонаи истеҳсоли панелҳои сохтмонии ҶДММ «Тоҷпанел»-ро ифтитоҳ намуданд
Сарвари давлат Эмомалӣ Раҳмон дар шаҳри Хуҷанд Муассисаи таҳсилоти томактабии Навбаҳорро ифтитоҳ намуданд
Дар шаҳри Турсунзода Маркази саломатии деҳавии «Саркор» ба истифода дода шуд
Президенти Тоҷикистон Эмомалӣ Раҳмон дар ноҳияи Бобоҷон Ғафуров Корхонаи истеҳсоли ашёи рӯзгори ҶДММ «Ситора саноат»-ро мавриди истифода қарор доданд
