Шабакаи «МегаФон Тоҷикистон» бо аккумуляторҳои пуриқтидор муҷаҳҳаз мегардад
ДУШАНБЕ, 02.12.2024 /АМИТ «Ховар»/. Дар 182 иншооти алоқаи ширкати «МегаФон Тоҷикистон» дар қаламрави ҷумҳурӣ батареяҳои аккумулятории литийдор насб карда шуданд. Як батареяи аккумулятории нав аз рӯи зарфияти худ метавонад чор батареяи намуди пешинаро иваз намояд.
Мақсади асосии муосиргардонии системаи таъминоти неруи барқ дар зиёд кардани муҳлати кори мустақили таҷҳизоти алоқа ифода меёбад. Батареяҳои нав имкон медиҳанд, ки дар сурати қатъ шудани қувваи барқ муштариён ба муддати бештар бо алоқа таъмин шаванд. Ғайр аз ин, мутахассисон-техникҳо низ барои ивазкунии аккумуляторҳо ба ноҳияҳои дурдасти мамлакат камтар мераванд.
«Дар фасли сармо таҷҳизоти алоқа назорати махсус талаб мекунад. Ҳарорати паст муҳлати хизмати батареяро кам мекунад ва бориши барф роҳро ба сӯи истгоҳҳои базавӣ мушкил мегардонад. Бинобар ин, мо кӯшиш кардем, ки то фарорасии зимистон иншооти асосиро бо батареяҳои аккумулятории мукаммалтар таъмин намоем. Албатта, навгардонии таҷҳизот ба шаҳрҳое низ дахл дорад, ки он ҷо ҳолатҳои хомӯшшавии неруи барқ дида мешаванд»,-гуфт директори техникии ширкати «МегаФон Тоҷикистон» Рафил Аглямов.
Аккумуляторҳои литийдор дар зиёда аз 160 майдони истгоҳҳои базавӣ, хатҳои магистралии нахӣ-нурии алоқа ва иншооти пайвасткунандаи инфрасохтор гузошта шудаанд. Дар мавридҳои зарурӣ истгоҳҳои базавии дурдаст бо батареяҳои дуқабата таҷҳизонида мешаванд. Дар умум дар шабакаи «МегаФон Тоҷикистон» то оғози зимистон 350 батареяи аккумулятории намуди нав ба кор дароварда шуд.
АКС: ширкати «МегаФон Тоҷикистон»
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
