ТАҚВИМИ АМИТ «ХОВАР»: имрӯз 13 декабр, ҷумъа, 348-умин рӯзи соли 2024 аст

13 декабри соли 2001 дар шаҳри Деҳлии Ҳиндустон санади  «Аввалин ҷаласаи Комиссияи байниҳукуматии Тоҷикистон ва Ҳиндустон» оид ба ҳамкорӣ байни Ҳиндустон ва Тоҷикистон дар самтҳои савдо, энергетика ва илму техника ба имзо расид.

***

Соли 2010 дар шаҳри Брюссел ҷаласаи якуми Шуро оид ба ҳамкорӣ байни Иттиҳоди Аврупо ва Ҷумҳурии Тоҷикистон баргузор гардид.

***

13 декабри соли 2011 дар Театри давлатии академӣ-драмавии ба номи  Абулқосим Лоҳутӣ консерти ансамбли фолклории «Яр» ва гурӯҳи рақсии «La Nati Flamenco»-и Федератсияи Русия баргузор гардид.

***

13 декабри соли 2013 дар шаҳри Душанбе ҷаласаи дувоздаҳуми Шурои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ баргузор гардид.

***

13 декабри соли 2013 дар шаҳри Душанбе масъалаи муосиртарин ҷанбаи назорати тадбирҳои пешгирии бемории ишемияи дил дар Ҷумҳурии Тоҷикистон муҳокима гардид.

***

13 декабри соли 2013 дар пойтахти Тоҷикистон — шаҳри Душанбе  масъалаи рушди соҳибкории иҷтимоӣ ва  ҷамъияти шаҳрвандӣ дар Осиёи Марказӣ муҳокима шуд.

*** 

Дар ин рӯзи соли 2014 дар Кохи Ваҳдати пойтахт таҳти раёсати Раиси Ҳизби Халқии Демократии Тоҷикистон муҳтарам Эмомалӣ Раҳмон Анҷумани 12-уми Ҳизби Халқии Демократии Тоҷикистон баргузор шуд.

***

13  декабри соли 2017 Вазири корҳои хориҷии Ҷумҳурии Тоҷикистон Сироҷидин Муҳриддин дар ҷаласаи ғайринавбатии Шурои вазирони корҳои хориҷии давлатҳои аъзои Созмони ҳамкории исломӣ, ки дар шаҳри Истанбули Ҷумҳурии Туркия таҳти унвони «Амали ягона барои ҳамбастагӣ бо Байтулмуқаддас» баргузор гардид, суханронӣ намуд.

***

13 декабри соли 2019 дар Кохи Борбад таҳти раёсати Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси Ҳизби  Халқии Демократии Тоҷикистон муҳтарам Эмомалӣ Раҳмон Анҷумани 13-уми Ҳизби Халқии Демократии Тоҷикистон бо иштироки 1917 вакил аз тамоми шаҳру ноҳияҳои ҷумҳурӣ баргузор гардид.

***

13 декабри соли 2022 бо ташаббуси ҷониби Русия суҳбати телефонии вазирони корҳои хориҷии Тоҷикистон Сироҷиддин Муҳриддин ва Русия Сергей Лавров баргузор гардид. Вазирон масъалаҳои алоҳидаи муносибатҳои Тоҷикистон ва Русия ва ҷараёни иҷрои нақшаи чорабиниҳо оид ба таҷлили 30-юмин солгарди муносибатҳои дипломатиро баррасӣ намуданд.

***

Дар ин рӯзи соли 2023 дар Донишгоҳи техникии Тоҷикистон ба номи академик Муҳаммад Осимӣ Форуми якуми Тоҷикистон ва Чин оид ба таҳсилоти техникӣ баргузор гардид.

13 ДЕКАБР:

Дар Малта – Рӯзи ҷумҳурӣ.

***

Дар Русия- Рӯзи хирс.