Ташкили баҳисобгирии муҳосибӣ ва низоми молиявӣ дар шароити гузариш ба иқтисодиёти рақамӣ баррасӣ гардид
ДУШАНБЕ, 16.12.2024 /АМИТ «Ховар»/. Бо ташаббуси Донишгоҳи аграрии Тоҷикистон ба номи Шириншо Шоҳтемур бахшида ба 30-солагии қабули Конститутсияи Ҷумҳурии Тоҷикистон дар мавзуи «Муаммоҳои ташкили баҳисобгирии муҳосибӣ ва низоми молиявӣ дар шароити гузариш ба иқтисодиёти рақамӣ» конфронси ҷумҳуриявии илмӣ-амалӣ баргузор гардид. Дар ин хусус ба АМИТ «Ховар» дар Донишгоҳи аграрии Тоҷикистон хабар доданд.
Ректори донишгоҳ Усмон Маҳмадёрзода дар бораи нақши рақамикунонӣ, махсусан рақамикунонӣ дар соҳаи кишоварзӣ ва маҷмааи агросаноатии мамлакат ибрози назар намуда, аҳамияти чунин конфронси илмию амалиро барои таҳким бахшидани ин самт, яъне рақамикунонӣ ва ҳалли муаммоҳои рушди баҳисобгирии муҳосибӣ ва низоми молиявӣ дар хоҷагиҳои кишоварзӣ ва маҷмааи агросаноатии мамлакат мусбат арзёбӣ намуд.
Таъкид гардид, ки Конститутсияи Ҷумҳурии Тоҷикистон ба мо имкон додааст, ки низоми ҳуқуқӣ ва меъёрии соҳаҳо, махсусан соҳаи ҳаётан муҳими мамлакат — кишоварзиро ба он мутобиқ намоем.
Президенти Академияи илмҳои кишоварзии Тоҷикистон Амонулло Салимзода доир ба аҳамияти низоми дурусти идоракунии соҳаи кишоварзӣ, баҳисобгирии муҳосибӣ дар ин соҳаи муҳим, дастгирии пайвастаи роҳбарияти олии мамлакат, махсусан Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба ин соҳа сухан гуфт.
Дар конфронс оид ба муҳимияти рақамикунонии соҳаи кишоварзӣ дар замони соҳибистиқлолии мамлакат, инчунин вобаста ба масоили мубрами ташкили дурусти баҳисобгирии муҳосибӣ ва ҳисоботи молиявӣ дар хоҷагиҳои кишоварзӣ ибрози назар карда шуд.
АКС: Донишгоҳи аграрии Тоҷикистон ба номи Ш. Шоҳтемур
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
