Устоди Донишкадаи омӯзгории Тоҷикистон дар Панҷакент дар мусобиқаи байналмилалӣ аз намуди пауэрлифтинг соҳиби медали тилло гардид

ДУШАНБЕ, 24.12.2024 /АМИТ «Ховар»/. Устоди Донишкадаи омӯзгории Тоҷикистон дар шаҳри Панҷакент Шавкат Абдуллоев дар мусобиқаи байналмилалӣ  барои ба даст овардани Ҷоми ҷаҳон аз намуди пауэрлифтинг соҳиби медали тилло гардид.

 Тавре АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент хабар медиҳад, мусобиқа дар шаҳри Москваи Федератсияи Русия баргузор шуд. Шавкат Абдуллоев дар байни варзишгарони 60-69-сола бо бардоштани вазни аз ҳама бештар дар ду намуди ин навъи варзиш пешсаф гардида, соҳиби медали  тилло шуд.

Таҷрибаи ин варзишгари собиқадор барои ҷавононе, ки ба варзиш шавқ доранд, намунаи ибрат аст.

АКС: Мақомоти иҷроияи ҳокимияти давлатии шаҳри Панҷакент