Байни Ҷамъияти Ҳилоли Аҳмари Тоҷикистон ва Маркази имдод ва кумакҳои Шоҳ Салмон оид ба татбиқи лоиҳаи «Сабади озуқаворӣ-2025» Созишнома ба имзо расид
ДУШАНБЕ, 22.01.2025 /АМИТ «Ховар»/. Шоҳигарии Арабистони Саудӣ дар моҳи Рамазон дар Тоҷикистон лоиҳаи «Сабади озуқаворӣ-2025» барои оилаҳои ниёзмандро татбиқ менамояд. Дар ин хусус зимни нишасти матбуотӣ дар Душанбе ба хабарнигорон Сафири Фавқулода ва Мухтори Мамлакати Шоҳигарии Арабистони Саудӣ дар Ҷумҳурии Тоҷикистон Валид ибни Абдураҳмон ар-Решайдон иттилоъ дод.
Дипломати саудӣ афзуд, ки чунин кумакҳо давоми даҳсолаҳо аз ҷониби шоҳи Арабистони Саудӣ Салмон, аз ҷумла соли 2025 ба шаҳрвандони 25 кишвари ҷаҳон расонида мешаванд. Сабади озуқавории солонаи шоҳ Салмон дар Ҷумҳурии Тоҷикистон барои 7 ҳазору 120 оилаи камбизоат, ки дар онҳо 4-6 нафар зиндагӣ мекунанд, пешбинӣ шудааст, ки дар маҷмуъ 35 ҳазор нафарро ташкил дода, онҳо бо сабади ғизо таъмин мешаванд. Сабади озуқаворӣ аз орд, биринҷ, равғани растанӣ, шакар, макарон ва зироати лӯбиёӣ иборат мебошад. Вазни ҳар сабади озуқа 69,5 кг ва дар маҷмуъ беш аз 490 тоннаро ташкил медиҳад.
Маҳсулоти озуқаворӣ аз бозорҳои дохили Тоҷикистон харидорӣ гардида, баъдан бо мусоидати Ҷамъияти Ҳилоли Аҳмари Тоҷикистон бастубанд мегардад ва ба ниёзмандон расонида мешавад. Маблағи
умумии барои татбиқи ин тарҳ ҷудошуда 400 ҳазор доллари амрикоиро ташкил медиҳад.
Таъкид гардид, ки амалӣ намудани ташаббуси «Сабади озуқаворӣ-2025» бо Ҳукумати Ҷумҳурии Тоҷикистон ва ҳамчунин бо Ҷамъияти Ҳилоли Аҳмари Тоҷикистон мувофиқа шудааст. Дар ин замина дар Душанбе байни Ҷамъияти Ҳилоли Аҳмари Тоҷикистон ва Маркази имдод ва кумакҳои Шоҳ Салмони Арабистони Саудӣ Созишнома ба имзо расид.
Маркази имдод ва кумакҳои шоҳ Салмони Арабистони Саудӣ аз соли 2015 инҷониб дар Тоҷикистон фаъолият дошта, дар ин муддат 27 лоиҳаро ба маблағи 16,1 миллион доллар дар соҳаҳои тандурустӣ, объёрӣ, амнияти ғизоӣ, сарпаноҳсозӣ ва ғайра дар ҳамкорӣ бо мақомоти давлатӣ ва ниҳодҳои марбутаи Тоҷикистон татбиқ намудааст.
Марзия САИДЗОДА,
АМИТ «Ховар»
АКС: АМИТ «Ховар»
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад
Имрӯз дар водиҳои Тоҷикистон ҳаво то 38 дараҷа гарм мешавад
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Тавсия: барои алоқа дар Узбекистон маблағ камтар сарф мекунем
Дар соҳили Сирдарё барои истироҳату фароғат шароити хуб фароҳам оварда шудааст
Президенти Тоҷикистон ҳамоиши сатҳи олӣ — муаррифии Даҳсолаи байналмилалии барои илмҳои яхшиносӣ (криосферӣ)-ро ифтитоҳ намуданд
Дар Хуҷанд Мусобиқаи ҷумҳуриявӣ оид ба ҷудо байни наврасон ҷамъбаст гардид
Имрӯз дар шаҳри Душанбе ҳаво то 35 дараҷа гарм мешавад
ҚУРБИ АСЪОР: дар Тоҷикистон 1 рубли русӣ аз 0.1247 то 0.1240 сомонӣ муқаррар шудааст
Кишоварзони ноҳияи Восеъ дар гармхона бо усулҳои муосир маҳсулот парвариш мекунанд
