Дар Боку вобаста ба раёсати Ҷумҳурии Тоҷикистон дар Иттиҳоди Давлатҳои Мустақил брифинг доир гардид
ДУШАНБЕ, 27.01.2025 /АМИТ «Ховар»/. Бахшида ба раёсати Ҷумҳурии Тоҷикистон дар Иттиҳоди Давлатҳои Мустақил /ИДМ/ дар соли 2025 дар Маркази таҳлили муносибатҳои байналмилалӣ дар шаҳри Боку брифинги Сафорати Ҷумҳурии Тоҷикистон дар Ҷумҳурии Озарбойҷон баргузор гардид, ки дар он роҳбарони намояндагиҳои дипломатии кишварҳои иштирокдори Иттиҳоди Давлатҳои Мустақил, коршиносони пажуҳишгоҳҳои илмӣ-таҳқиқотӣ ва намояндагони воситаҳои ахбори оммаи Ҷумҳурии Озарбойҷон иштирок намуданд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Озарбойҷон иттилоъ медиҳад.
Сафири Ҷумҳурии Тоҷикистон дар Ҷумҳурии Озарбойҷон Илҳом Абдураҳмон авлавияти асосии раёсати Тоҷикистонро дар самти сиёсӣ, иқтисодӣ, гуманитарӣ, мубориза бо таҳдиду чолишҳо ва рушди институтсионалии Иттиҳод муаррифӣ намуд. Дипломати тоҷик иштирокдоронро инчунин бо муқаррароти асосии Консепсияи раёсати Тоҷикистон ва Нақшаи чорабиниҳои татбиқи он, ки аз ҷониби Президенти Ҷумҳурии Тоҷикистон – Раиси Шурои сарони давлатҳои Иттиҳоди Давлатҳои Мустақил муҳтарам Эмомалӣ Раҳмон тасдиқ шудаанд, шинос намуд.
Дар ҷараёни нишаст роҳбари Маркази таҳлили муносибатҳои байналмилалӣ Фарид Шафиев, муовини якуми директори Маркази таҳқиқоти стратегии назди Президенти Ҷумҳурии Тоҷикистон Ораз Муртазозода, роҳбари Маркази таҳқиқоти Қафқози Ҷанубӣ Фарҳод Мамедов, директори Маркази таҳлилии «Strategic Consaltency Group» Рафиқ Исмаилов ва сафирони Федератсияи Русия ва Узбекистон дар Озарбойҷон вобаста ба мавзуъ ибрози назар намуданд.
АКС: Сафорати Ҷумҳурии Тоҷикистон дар Ҷумҳурии Озарбойҷон
Вазирони корҳои хориҷии Тоҷикистону Узбекистон мулоқот намуданд
Вазорати корҳои хориҷии Тоҷикистон аз шомил шудани бархе аз бонкҳои кишвар ба феҳристи таҳримҳои Иттиҳоди Аврупо изҳори нигаронӣ намуд
Сироҷиддин Муҳриддин бо Одрӣ Азуле масъалаҳои густариши ҳамкории Тоҷикистон ва ЮНЕСКО-ро баррасӣ намуданд
Дар Самарқанд нақши Тоҷикистон дар ҳалли мушкилоти тағйирёбии иқлим ва обшавии пиряхҳо таъкид карда шуд
Дар шаҳри Пусан ҳамкории Ҷумҳурии Корея бо кишварҳои Осиёи Марказӣ дар соҳаи сайёҳӣ баррасӣ шуд
Байни Тоҷикистон ва Арабистони Саудӣ Ёддошти тафоҳум оид ба ҳамкорӣ дар соҳаи мудофиаи гражданӣ ва ҳимоя ба имзо расид
Ҳайати Тоҷикистон дар Конфронси генералии ЮНЕСКО иштирок менамояд
Дар Минск мулоқоти муовинони вазирони корҳои хориҷии Тоҷикистон ва Ҳиндустон баргузор шуд
Бо ташаббуси Тоҷикистон ҳамоҳангии талошҳои ИДМ, СААД ва СҲШ дар мубориза бо тундгароӣ баррасӣ шуд
Дар Минск ҷаласаи навбатии Шурои намояндагони ваколатдори доимии ИДМ баргузор гардид
Намояндаи Тоҷикистон дар Конференсияи III байналмилалии Минск оид ба амнияти АвруОсиё иштирок намуд
Дар Риёз ҳамкории Тоҷикистон ва Арабистони Саудӣ дар бахши гуманитарӣ ва иҷтимоӣ баррасӣ шуд
