Дар ноҳияи Шуғнон пайомадҳои тарма бартараф карда шуд
ДУШАНБЕ, 06.01.2025 /АМИТ «Ховар»/. Дар километри 614-уми шоҳроҳи Душанбе-Хоруғ-Мурғоб, ки аз ҳудуди минтақаи Ригувеси Ҷамоати деҳоти Сучони ноҳияи Шуғнон мегузарад, тарма фаромада, роҳро муваққатан баст. Дар ин хусус АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.
Барои бартараф намудани ҳолати баамаломада техникаи хадамоти роҳи Вазорати нақлиёти Тоҷикистон дар ноҳияи Шуғнон ҷалб карда шуд.
Бар асари лағзиши тарма талафоти ҷонию хисороти дигар сабт нашудааст.
Тибқи иттилои манбаъ, то охири ҳафта дар навоҳии кӯҳӣ ва наздикӯҳии тобеи ҷумҳурӣ, бахусус дар шоҳроҳи Душанбе-Чанок, вилояти Суғд ва ғарби Вилояти Мухтори Кӯҳистони Бадахшон хатари лағзиши тарма ва сангу регу ярч боқӣ мемонад.
Дар робита ба ин Кумитаи ҳолатҳои фавқулода ва мудофиаи гражданӣ аз шаҳрвандон хоҳиш мекунад, ки дар ин рӯзҳо ҳаракати худро дар роҳҳои кӯҳӣ маҳдуд намуда, аз анҷом додани корҳои кишоварзӣ, чаронидани чорво, ҷамъоварии ҳезум ва шикор дар минтақаҳои кӯҳистон худдорӣ кунанд.
Инчунин ҳангоми истифодаи таҷҳизоти барқии гармкунанда қоидаҳои бехатарӣ аз сӯхторро қатъиян риоя намоянд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Имрӯз дар Тоҷикистон ҳавои тағйирёбандаи бебориш пешгӯӣ карда мешавад
Таомҳои тоҷикӣ дар шаҳрҳои Федератсияи Русия ба таври шоиста муаррифӣ мегарданд
Имрӯз дар Тоҷикистон ҳавои камабри бебориш пешгӯӣ мешавад
Дар Ҳисор ҳамоиши минтақавии раисони шуроҳои ҷангу меҳнати шаҳру ноҳияҳои тобеи ҷумҳурӣ доир шуд
Имрӯз дар ноҳияҳои алоҳидаи Тоҷикистон туман мефарояд
«АСРИ ЗАРРИН»-И ТАЪРИХИ ТОҶИКОН. Замони давлатдории Сомониёнро муҳаққиқони илми таърих чунин ном гузоштаанд
Зуд, мувофиқ, осон: чат-боти «Доно» ба муштариён чӣ тавр кумак мерасонад
Дар Панҷакент филиали Муассисаи давлатии «Ташаккул ва рушди соҳибкории Тоҷикистон» ифтитоҳ гардид
Имрӯз дар Тоҷикистон ҳавои камабри бебориш пешгӯӣ мешавад
СОЛИ ОБОДКОРИЮ СОЗАНДАГӢ. Мактаб-интернати ятимон ва бепарасторони ноҳияи Муъминобод таъмир карда мешавад
Дар шаҳри Бӯстон барои баланд бардоштани сифати таҳсил ҳамоиш баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
