Имангалӣ Тасмагамбетов: «Соли 2025 татбиқи Барномаи байнидавлатии мақсадноки СААД оид ба таҳкими сарҳади Тоҷикистону Афғонистон оғоз мешавад»
ДУШАНБЕ, 29.01.2025 /АМИТ «Ховар»/. Соли 2025 татбиқи Барномаи байнидавлатии мақсадноки Созмони Аҳдномаи амнияти дастҷамъӣ (СААД) оид ба таҳкими сарҳади Тоҷикистону Афғонистон оғоз мешавад. Дар ин хусус имрӯз дар Душанбе Дабири кулли ин Созмон Имангалӣ Тасмагамбетов пас аз мулоқот бо Президенти Ҷумҳурии Тоҷикистон муҳтарам Эмомалӣ Раҳмон хабар дод.
Ба гуфтаи ӯ, дар мулоқот масъалаҳои татбиқи Барномаи байнидавлатии мақсадноки СААД оид ба таҳкими сарҳади Тоҷикистону Афғонистон баррасӣ шуданд.
«Шумо хуб медонед, ки ин барнома беш аз даҳ сол боз дар чаҳорчӯби СААД баррасӣ мешавад ва 28 ноябри соли 2024 дар ҷаласаи Шурои амнияти дастҷамъӣ дар Остона ин барнома қабул карда шуд. Бояд таъкид намоям, ки ин барнома пеш аз ҳама ба шарофати талошҳои Президенти Ҷумҳурии Тоҷикистон муҳтарам Эмомалӣ Раҳмон қабул шудааст. Бе мавқеи қатъии Президенти Ҷумҳурии Тоҷикистон, албатта, имрӯз ин барнома қабул намегардид», — таъкид намуд Имангалӣ Тасмагамбетов.
Дабири кулли Созмон тазаккур дод, ки ин барнома амнияти тамомияти арзии на танҳо Тоҷикистон, балки амнияти минтақавии тамоми Осиёи Марказиро низ таъмин хоҳад кард. Бинобар ин ба аҳамияти ин барнома баҳо додан бисёр душвор аст.
«Татбиқи он соли 2025 оғоз гардида, барои 5 сол пешбинӣ шудааст ва соли аввали татбиқи он бисёр муҳим аст. Итминони амиқ дорам, ки бо талошҳои муштараки сохторҳои дахлдори Ҷумҳурии Тоҷикистон ва Котиботи СААД ин барнома дар давоми 5 сол пурра амалӣ хоҳад шуд», — изҳор намуд Дабири кулли Созмони Аҳдномаи амнияти дастҷамъӣ Имангалӣ Тасмагамбетов.
АКС: АМИТ «Ховар»
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
