Пойгоҳи обкашии «Деҳмой-1» барои обёрии заминҳо дар мавсими соли 2025 омода мебошад

Январь 29, 2025 10:34

ДУШАНБЕ, 29.01.2025 /АМИТ «Ховар»/. 28 январ намояндагони Ҳукумати Ҷумҳурии Тоҷикистон дар Ҷамоати деҳоти Деҳмойи ноҳияи Ҷаббор Расулови вилояти Суғд бо фаъолияти пойгоҳи обкашии «Деҳмой-1» шинос гардиданд.

Тавре ба АМИТ «Ховар» аз Мақомоти иҷроияи ҳокимияти давлатии ноҳияи Ҷаббор Расулов хабар доданд, пойгоҳи обкашии «Деҳмой-1» дорои 8 агрегат мебошад, ки 4 адади он пурра аз таъмир бароварда шуд.         Ин пойгоҳ  дар мавсими соли равон 9735 гектар заминҳои кишоварзиро бо оби полезӣ таъмин мекунад. Дар он беш аз 12 нафар фаъолият доранд.

Пойгоҳи обкашии «Деҳмой-1» солҳои 60-уми қарни гузашта дар маҷрои дарёи Сир бунёд гардида, 6 агрегати он таъмирталаб буда, ду агрегати дигар умуман фаъолият намекард. Аз ин сабаб заминҳои ҷамоатҳои деҳоти Деҳмой, Гулхона, Сомониён, Ғулакандоз ва қисман заминҳои ҳудуди деҳоти Ҳаёти нав аз оби полезӣ танқисӣ мекашиданд.

Бо дастгирии Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати Ҷумҳурии Тоҷикистон ин пойгоҳи обкашӣ пурра таъмиру таҷдид карда шуд. Ба он муҳаррику дастгоҳҳои нав насб гардиданд, ки имкон медиҳанд пойгоҳ 7885 гектар заминҳои кишоварзиро дар ноҳияи Ҷаббор Расулов бо оби полезӣ таъмин кунад.

Намояндагони Ҳукумати мамлакат барои таъмини фаъолияти ин пойгоҳ ва сари вақт бо оби полезӣ таъмин намудани заминҳои кишоварзӣ ба масъулин супоришҳои мушаххас доданд.

АКС: Мақомоти иҷроияи ҳокимияти давлатии ноҳияи Ҷаббор Расулов

Январь 29, 2025 10:34

Хабарҳои дигари ин бахш

Баҳодур Шерализода дар Самарқанд доир ба омодагӣ ба Конференсияи байналмилалии сатҳи баланд оид ба ҳифзи пиряхҳо маълумот дод
Дар шаҳри Душанбе иҷрои «Барномаи фишанги ҳамоҳангсозии сиёсат» баррасӣ гардид
Ҳаҷми гардиши савдои хориҷии Тоҷикистон ва Узбекистон соли 2024 1,74 маротиба зиёд гардид
Барномаи савдои электронӣ дар Тоҷикистон ба баланд бардоштани малакаи рақамию молиявии аҳолӣ ва соҳибкорон равона шудааст
Оё дар Тоҷикистон низоми кишти пунбадона тағйир меёбад? Шарҳи коршиносон дар ин мавзуъ
Дар шаҳри Гулистон Бизнес-форуми Тоҷикистон ва Тотористон баргузор гардид
Имконоти сайёҳии Тоҷикистон дар Намоишгоҳи байналмилалии сайёҳии «Лето-2025» муаррифӣ шуданд
Ҳайати Тотористон бо фаъолияти як қатор корхонаҳои саноатии вилояти Суғд шинос гардид
Дар ноҳияи Кӯшониён дар 320 гектар гармхона бунёд карда шудааст
Гармхонаҳои ширкати «Моғиён- агро»-и шаҳри Панҷакент бозорро бо сабзавоти тоза таъмин менамоянд
Хатмкунандагони Барномаи гузариши иқлимӣ соҳиби шаҳодатнома шуданд
Дар шаҳри Турсунзода бинои нави маъмурии Истгоҳи роҳи оҳани «Регар» ба истифода дода шуд