САДА – ҶАШНИ РӮШНОӢ ВА ПАЙВАНДГАРИ ФАРҲАНГҲО. Тантанаи ҷашни Сада дар Донишгоҳи байналмилалии сайёҳӣ ва соҳибкории Тоҷикистон
ДУШАНБЕ, 26.01.2025 /АМИТ «Ховар»/. 25 январ ҷашни Сада, ки яке аз ҷашнҳои бостонии мардуми тоҷик маҳсуб меёбад, дар Донишгоҳи байналмилалии сайёҳӣ ва соҳибкории Тоҷикистон бо шукeҳи хоcса таҷлил гардид. Дар ин хусус АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон хабар медиҳад.
Дар ин чорабинии фарҳангӣ роҳбарияти донишгоҳ, устодону меҳмонон ва донишҷӯён иштирок намуданд.
Ректори донишгоҳ Убайдулло Асрорзода бо такя ба суханрониҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон аҳамияти ҷашни Садаро ҳамчун рамзи оғози гармӣ, рӯшноӣ ва пайванд бо табиат таъкид намуда, онро ҷузъи муҳими фарҳанг ва ҳувияти миллии тоҷикон номид.
Ӯ ҳамчунин иброз дошт, ки чунин чорабиниҳо барои баланд бардоштани ҳисси ифтихори миллӣ ва эҳёи суннатҳои мардумӣ саҳми назаррас мегузоранд.
Таъкид карда шуд, ки баргузории ҷашнҳои миллӣ аз қабили Тиргон, Меҳргон, Сада, Наврӯз ва дигар ҷашнҳо барои донишгоҳи мо аҳамияти бузург дорад. Донишҷӯён, ки дар доираи барномаҳои табодули академӣ дар кишварҳои дигар таҳсил мекунанд, низ бояд бо ташкили чорабиниҳои фарҳангӣ ва ҷашнҳои миллӣ анъанаҳои тоҷиконро ба ҷаҳониён муаррифӣ намоянд. Ин амал на танҳо барои баланд бардоштани нуфузи фарҳанги миллӣ дар арсаи байналмилалӣ муҳим аст, балки инчунин ҳисси ифтихор аз ҳувияти миллиро дар байни ҷавонон таҳким мебахшад.
Дар фарҷом меҳмонон ва иштирокчиён бо намоиши маҳсулоти ҳунармандӣ ва дастовардҳои эҷодии донишҷӯёну омӯзгорони донишгоҳ шинос шуданд. Ин намоиш, ки бо ташаббуси сохторҳои донишгоҳ ташкил гардида буд, гуногунрангии ҳунарҳои миллӣ ва малакаҳои эҷодии омӯзгорону донишҷӯёнро ба таври шоиста инъикос кард. Маҳсулоти ҳунармандӣ, аз қабили гулдӯзӣ, кандакорӣ, заргарӣ ва дигар анвои ҳунарҳои мардумӣ, дар якҷоягӣ бо лоиҳаҳои таҳқиқотӣ ва эҷодӣ, ки донишҷӯён дар заминаи омӯзиши фарҳанг ва сайёҳӣ таҳия карда буданд, диққати иштирокчиёнро ба худ ҷалб намуданд.
Инчунин барномаи фарҳангии пуршукуҳ пешниҳоди иштирокдорон гардонида шуд.
АКС: Донишгоҳи байналмилалии сайёҳӣ ва соҳибкории Тоҷикистон
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
«ДУШАНБЕ ИНВЕСТ-2025». Иштирокдорони Форуми байналмилалии сармоягузорӣ «Қалъаи Ҳисор»-ро тамошо намуданд
