Соли нави «рақамӣ»: Чӣ тавр муштариёни ширкати «МегаФон Тоҷикистон» наздикони худро табрик намуданд

Январь 7, 2025 11:20

ДУШАНБЕ, 07.01.2025 /АМИТ «Ховар»/. 2 580 Тб интернет ва зиёда аз 70 миллион зангҳо – чунинанд натиҷаҳои фаъолнокии муштариёни ширкати «МегаФон Тоҷикистон» дар соли нави мелодӣ. 31 декабр ва 1 январ шабакаи оператор рекорди навбатии «идона» гузошт: трафики овозӣ дар муқоиса ба соли гузашта 4 фоиз ва таҳвили маълумот 14 фоиз афзоиш ёфт.

Пеш аз соли нави мелодӣ муҳандисони ширкат аудити анъанавии фаъолияти шабакаро дар шаҳрҳои калонтарини Тоҷикистон – Душанбе, Бохтар, Хуҷанд, Кӯлоб баргузор намуданд. Қобилияти гузариши пойгоҳҳои базавӣ дар маконҳое васеъ карда шуд, ки дар онҳо афзоиши назарраси трафики «солинавӣ» пешгӯӣ шуда буд. Дар баробари ин имконияти пайвасткунӣ ба хатҳои сарбориашон нисбатан камтар таъмин карда шуд. Шаби соли нав мутахассисони техникӣ дар реҷаи махсусан фаъол кор карда, фаъолияти устувори шабакаро ҳатто дар муддате, ки  сарбории шабака ниҳоят зиёд буд, таъмин намуданд.

Корҳои дигари нақшавӣ низ барои омодашавӣ ба афзоиши трафик анҷом дода шуданд. Ҳамин тавр, дар охири соли 2024 МегаФон Тоҷикистон дар ҳудуди тамоми ҷумҳурӣ зиёда аз 70 пойгоҳи нави базавиро ба кор даровард. Диққати махсус ба манбаъҳои захиравии неру, ки бо онҳо иншооти алоқаи ширкат таъмин карда шудаанд, зоҳир карда шуд. Аз ҷумла, хизматрасонии нақшавии техникӣ, таъмир ва иваз кардани таҷҳизот бо намудҳои нисбатан муосир иваз карда шуданд. Ин корҳо зиёда аз 230 дастгоҳи дизелӣ-генераторӣ, беш аз 500 батареяи аккумуляторӣ ва 25 трансформаторро фаро гирифтанд. Ҳама майдонҳои пойгоҳҳои базавӣ, ки дар онҳо дизел ба кор бурда мешавад, пурра бо маводи сӯзишворӣ таъмин карда шуданд. Натиҷа – ҳатто дар вақти сарбории бениҳоят баланд дар соли нав шабакаи оператор дар реҷаи штатӣ фаъолият дошт.

Душанбе аз рӯи шумораи табрикоти идона пешсаф шуд. Дар ин ҷой муштариёни ширкат зиёда аз 750 Тб интернетро ба кор бурдаанд, ки нисбат ба нишондиҳандаҳои соли гузашта 13 фоиз зиёдтар аст. Миқдори зангҳо ба андозаи 9 фоиз афзоиш ёфт.

Дар маҷмуъ, дар ҷумҳурӣ муштариён зангҳои видеоӣ, паёмрасонҳо ва шабакаҳои иҷтимоиро ҳарчи фаъолтар истифода мебаранд. Зиёда аз нисфи трафики умумии интернет, ки шаби соли нав истифода карда шуд, ба Instagram (550 Тб), YouTube (537 Тб) ва TikTok (332 Тб) рост омад. Ҳатто зангҳои овозӣ низ зиёдтар дар шабакаи 4G/LTE, ки барои анҷоми занг бе қатъи интернет имкон медиҳад, анҷом дода мешаванд. Дар муқоиса ба шаби гузашта афзоиши миқдори VoLTE-зангҳо 20 фоизи рекордиро ташкил дод. Лекин ирсоли SMS аз ҷониби муштариён ниҳоят кам шудааст. Агар як сол пеш миқдори чунин паёмакҳо аз 2 миллион зиёд шуда бошад, дар соли ҷории 2024-2025 он қариб 700 ҳазорро ташкил додааст. Сокинони Тоҷикистон шабакаҳои нави рақамии муоширатро интихоб менамоянд.

АКС: ширкати «МегаФон Тоҷикистон»

Январь 7, 2025 11:20

Хабарҳои дигари ин бахш

Дар Иссиқкӯл Бозиҳои XXIV байналмилалии варзишии кишварҳои ИДМ ва СҲШ баргузор мешаванд
Имрӯз дар водиҳои Тоҷикистон ҳаво то 38 дараҷа гарм мешавад
Дар Мастчоҳ вохӯрии вакили Маҷлиси намояндагон бо интихобкунандагон доир шуд
Мутахассисони алоқа «таҳаввулоти рақамӣ» пешбинӣ менамоянд
Олимони тоҷик аз қитъаҳои заминҳои таҷрибавӣ дар Яғноб ҳосили хуб гирифтанд
Имрӯз дар ноҳияҳои кӯҳии Тоҷикистон ҳаво то 30 дараҷа гарм мешавад
Дар шаҳри Бӯстон бахшида ба соли нави таҳсил ҳамоиш доир шуд
Дар ноҳияи Рӯдакӣ сохтмони муассисаи томактабии «Ёсуман» ба анҷом расид
Бахшида ба Рӯзи дониш дар Донишкадаи кӯҳию металлургии Тоҷикистон ҳамоиш баргузор шуд
МАЪРИФАТ — ПОЙДОР, ИЛМУ АДАБ — УСТУВОР. Дар ноҳияи Ёвон Рӯзи дониш ва Дарси сулҳ таҷлил гардид
Имрӯз дар шаҳри Душанбе ҳаво то 35 дараҷа гарм мешавад
«Ҷойгоҳи зан дар даврони Истиқлол»-таҳти чунин унвон дар Левакант конфронси ҷумҳуриявӣ доир гардид