Тоҷикистон ва Эрон дар заминаи беҳдошти чорво ва байторӣ Ёддошти тафоҳум ба имзо расониданд
ДУШАНБЕ, 22.01.2025 /АМИТ «Ховар»/. 16 январ аз рӯйи натиҷаҳои мулоқоту музокироти сатҳи олии Тоҷикистон ва Эрон бо иштирок ва дар назди Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Президенти Ҷумҳурии Исломии Эрон муҳтарам Масъуд Пизишкиён 23 санади нави ҳамкорӣ табодул карда шуд.
Ёддошти тафоҳум дар заминаи беҳдошти чорво ва байторӣ байни Кумитаи бехатарии озуқавории назди Ҳукумати Ҷумҳурии Тоҷикистон ва Вазорати ҷиҳоди кишоварзии Ҷумҳурии Исломии Эрон аз ҷумлаи ин санадҳои ҳамкории дуҷониба мебошад.
Тавре ба АМИТ «Ховар» дар Кумитаи бехатарии озуқаворӣ иттилоъ доданд, Ёддошти тафоҳум дар асоси манфиатҳои муштарак бо мақсади ҳалли мушкилоти умумӣ ва имконияти таҳкими ҳамкорӣ дар соҳаи солимии ҳайвонот ва илмҳои байторӣ таҳия шудааст. Тавассути муттаҳид намудани талошҳо ҷонибҳо барои ҳалли мушкилоти муштарак, аз ҷумла пешгирӣ ва мубориза бо бемориҳои чорво, бемориҳои зоонозӣ, беҳтар намудани хизматрасонии байторию тақвияти муносибатҳои савдои байниҳамдигарӣ ва муътадил нигоҳ доштани вазъи эпизоотӣ ба тавофуқ мерасанд.
Дар доираи санад мақомоти байтории давлатҳо корҳои муштаракро барои мубодилаи дониш, сари вақт огоҳ намудани ҷонибҳо оид ба ҳолатҳои пайдоиши бемориҳои фаромарзӣ, такмили иқтидор ва рушди захираҳои инсонӣ ба анҷом расонида, ба самтҳои назорат аз бемориҳои махсусан хатарнок, маъракаҳои эмгузаронӣ ва ташхиси лабораторӣ ташвиқ мекунанд.
АКС: Хадамоти матбуоти Президенти Ҷумҳурии Тоҷикистон
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
