35-СОЛАГИИ ИСТИҚЛОЛИ ДАВЛАТӢ. Дар се деҳаи дурдасти шаҳри Роғун кӯдакистон бунёд мегардад
РОҒУН, 11.02.2025. /АМИТ «Ховар»/. Бо мақсади иҷрои дастуру супоришҳои Президенти Тоҷикистон, Пешвои миллат муҳтарам Эмомалӣ Раҳмон бобати бунёди муассисаҳои томактабӣ, Мақомоти иҷроияи ҳокимияти давлатии шаҳри Роғун бунёди се кӯдакистонро дар деҳаҳои Қандак, Ҷавонӣ ва Чормағз ба нақша гирифтааст. Биноҳои мазкур дар арафаи ҷашни 35-солагии Истиқлоли давлатӣ мавриди истифода қарор мегиранд. Ҳамчунин соли 2024 дар деҳаи Қалъаи Нав як кӯдакистони замонавӣ сохта, ба истифода дода шуд. Дар ин хусус зимни нишасти матбуотӣ Раиси шаҳри Роғун Сунъатулло Саидзода иттилоъ дод.
Дар нишасти матбуотӣ иброз гардид, ки бо қарори Маҷлиси вакилони халқи шаҳри Роғун «Нақшаи чорабиниҳои Мақомоти иҷроияи ҳокимияти давлатии шаҳри Роғун оид ба истиқболи 35-солагии Истиқлоли давлатии Ҷумҳурии Тоҷикистон» иборат аз 110 банд таҳия ва тасдиқ шудааст. Аз ин шумора то 35-солагии Истиқлоли давлатӣ 38 иншоот дар маркази шаҳри Роғун ва кӯчаи 25-солагии Истиқлолият, 14 иншоот дар шаҳраки Оби Гарм, 43 иншоот дар Ҷамоати деҳоти Қади Об ва 10 иншоот дар Ҷамоати деҳоти Сичароғ бунёд мегардад. То имрӯз 49 иншооти гуногун ба маблағи 383, 4 миллион сомонӣ сохта, ба истифода дода шуданд ва сохтмони иншооти дигар идома дорад.
Зимни нишасти матбуотӣ гуфта шуд, ки «Барномаи рушди иҷтимоию иқтисодии шаҳри Роғун барои солҳои 2021-2025» 88 лоиҳаро дар бар мегирад, ки маблағи амалишавии ин лоиҳаҳо 204,8 миллион сомонӣ мебошад. Ба ҳолати якуми январи соли 2025 дар шаҳри Роғун аз 88 лоиҳа 45 лоиҳа мавриди иҷро қарор дода шуд. Бо амалӣ намудани 45 лоиҳа дар шаҳри Роғун 85,6 миллион сомонӣ азхуд карда шудааст.
Субҳониддини МАҲМУД,
АМИТ «Ховар»
АКС: АМИТ «Ховар»
Дар доираи сафари кории Президенти Тоҷикистон дар Исфара иншооти соҳаи тандурустӣ ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мастчоҳ 735 иншоот бунёду навсозӣ гардидааст
Пешвои миллат Эмомалӣ Раҳмон дар шаҳри Исфара ба таври фосилавӣ як қатор иншооти иҷтимоиро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Исфара кони ангишти №8-и Ҷамъияти саҳомии кушодаи «Ангишт»-ро ба истифода доданд
Сарвари давлат Эмомалӣ Раҳмон дар шаҳри Исфара бо лоиҳаи азхудкунии заминҳои бекорхобида, пойгоҳи обкашӣ, сардхона, коргоҳи бастубанди мева ва хоҷагии чорводорӣ ба таври фосилавӣ шинос шуданд
Пешвои миллат Эмомалӣ Раҳмон бо сафари корӣ ба шаҳри Исфара ташриф оварданд
Дар Хатлон неругоҳи офтобӣ бо иқтидори умумии 500 мегаватт сохта мешавад
Сарвари давлат Эмомалӣ Раҳмон бинои нави Беморхонаи марказии ноҳияи Мастчоҳро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Мастчоҳ 3 иншооти истеҳсолиро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Мастчоҳ муассисаи таҳсилоти миёнаи умумии рақами 14-ро ба истифода доданд
Пешвои миллат Эмомалӣ Раҳмон дар ноҳияи Мастчоҳ бинои муассисаи таҳсилоти миёнаи умумии №46-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар ноҳияи Мастчоҳ корхонаи истеҳсоли хишти сохтмонии Ҷаъфар-2014-ро ифтитоҳ намуданд
