«BORSA INTERNAZIONALE DEL TURISMO». Имконоти сайёҳии Тоҷикистон дар намоишгоҳи байналмилалии сайёҳӣ муаррифӣ гардид

ДУШАНБЕ, 11.02.2025 /АМИТ «Ховар»/. Аз 9 то 11 феврал дар шаҳри Милани Италия Намоишгоҳи 45-уми байналмилалии сайёҳии «Borsa Internazionale del Turismo» баргузор гардид, ки дар он имконияти сайёҳии Тоҷикистон муаррифӣ гардид. Дар ин хусус ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон хабар доданд.

Дар доираи ин намоишгоҳ вохӯриҳои В2С ва В2В ташкил гардида, масъалаи рушди фаъолияти ширкатҳои сайёҳӣ, зеҳни сунъӣ, ҷалби мутахассисон ва рақамикунонӣ дар соҳаи сайёҳӣ баррасӣ карда шуд.

Дар ин намоишгоҳ ҳайати  Ҷумҳурии Тоҷикистон бо роҳбарии муовини якуми Раиси Кумитаи рушди сайёҳии назди Ҳукумати Ҷумҳурии Тоҷикистон, намояндаи Дастгоҳи иҷроияи Президенти Ҷумҳурии Тоҷикистон, Донишгоҳи байналмилалии сайёҳӣ ва соҳибкории Тоҷикистон ва ширкатҳои сайёҳии ҷумҳурӣ иштирок намуда, гӯшаи сайёҳии мамлакатро муаррифӣ намуданд.

АКС: Кумитаи рушди сайёҳии назди Ҳукумати Ҷумҳурии Тоҷикистон