Дар қароргоҳи Созмони Милали Муттаҳид дастовардҳои Тоҷикистон дар таҳкими сулҳу амният матраҳ гардиданд
ДУШАНБЕ, 07.02.2025 /АМИТ «Ховар»/. 5 феврал дар қароргоҳи Созмони Милали Муттаҳид дар Ню-Йорк таҳти раёсати муовини Дабири кулли Созмони Милали Муттаҳид ва роҳбари Дафтари зиддитеррористии Созмони Милали Муттаҳид Владимир Воронков нишасти ёздаҳуми Кумитаи ҳамоҳангсозии Паймони ҷаҳонии Созмони Милали Муттаҳид оид ба мубориза бо терроризм баргузор гардид, хабар медиҳад АМИТ «Ховар» бо истинод ба Вазорати корҳои хориҷии Ҷумҳурии Тоҷикистон.
Дар бахши сатҳи баланди вохӯрӣ вазирони корҳои хориҷии Ҷумҳурии Тоҷикистон Сироҷиддин Муҳриддин, Давлати Кувайт Абдулло Алӣ Абдулло ал-Яҳё (тавассути паёмҳои видеоӣ) ва Маҷористон Петер Сиярто иштирок намуданд.
Сироҷиддин Муҳриддин таъкид кард, ки терроризм яке аз ҷиддитарин хатарҳое мебошад, ки рӯйкарди муштарак ва иттиҳоди ҳама кишварҳо ва созмонҳои байналмилалиро тақозо мекунад. Тоҷикистон ҳамчун мизбони «Раванди Душанбе оид ба мубориза бо терроризм ва маблағгузории он» уҳдадориҳояшро барои тақвияти ҳамкорӣ бо Созмони Милали Муттаҳид ва дигар шарикони байналмилалӣ барои расидагӣ ба ин масоил таъйид мекунад.
Дар фарҷоми паём дастовардҳои Тоҷикистон дар таҳкими сулҳу амният, саҳми он дар мубориза бо терроризм, инчунин иштироки фаъолонаи мамлакат дар ташаббусҳои гуногуни байналмилалӣ ва механизмҳои Созмони Милали Муттаҳид оид ба пешгирии зӯроварӣ ва ифротгароӣ таъкид гардид.
Чорабинӣ барои баррасии ҳамкории байналмилалӣ ва тавсеаи гомҳои роҳбурдӣ бобати баланд бардоштани самаранокии ҳамоҳангсозии ҷаҳонӣ дар мубориза бо терроризм дар сатҳи Созмони Милали Муттаҳид заминаи мусоид фароҳам овард.
АКС: Вазорати корҳои хориҷии Ҷумҳурии Тоҷикистон
Дар Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор мешавад
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
