KOICA дар Душанбе Маркази омӯзиш ва такмили ихтисоси мутахассисони роҳи оҳан ва метро таъсис медиҳад
ДУШАНБЕ, 28.02.2025 /АМИТ «Ховар»/. Вазири нақлиёти Ҷумҳурии Тоҷикистон Азим Иброҳим бо Директори навтаъйини Дафтари Агентии ҳамкории байналмилалии Корея /KOICA/ (Korea International Cooperation Agency) Канг Синг Хон ва муовини ӯ Чангвон Ли мулоқот намуд, хабар медиҳад АМИТ «Ховар» бо истинод ба Вазорати нақлиёти Ҷумҳурии Тоҷикистон.
Азим Иброҳим зимни суҳбат гуфт, ки Тоҷикистон ва Корея ҳоло 4 лоиҳаи хурду бузургро дар самти роҳу нақлиёт якҷоя амалӣ менамоянд. Яке аз онҳо ба асосноккунии техникию иқтисодии лоиҳаи сохтмони роҳи оҳани «Ҷалолиддини Балхӣ – Панҷи Поён» рабт дошта, бо дастгирии КОICА моҳи январи соли 2025 расман оғоз гардид.
Канг Синг Хон гуфт, ки КОICА ба татбиқи марҳилаҳои минбаъдаи ин лоиҳа, ки ҳам барои Тоҷикистон ва ҳам барои минтақа аҳамияти стратегӣ дорад, омода ва ҳавасманд мебошад. Татбиқи муваффақонаи лоиҳа метавонад ба густариши гардиши молу маҳсулот дар минтақа тавассути қаламрави Тоҷикистон мусоидат намояд.
Канг Синг Хон пешниҳод намуд, ки бо мақсади баланд бардоштани малакаи касбии мутахассисони соҳа, алалхусус машинистони локомотив, муҳандисон, устоҳо ва танзимгарони ҳаракати вагонҳои роҳи оҳан ва метро дар шаҳри Душанбе Маркази омӯзиш ва такмили ихтисос таъсис дода шавад. Ин пешниҳод аз ҷониби Вазири нақлиёти Тоҷикистон маъқул дониста шуд.
Иброз гардид, ки барои иҷрои уҳдадориҳо ҷиҳати татбиқи лоиҳа тамоми чораҳои заруриро сари вақт ва бо ҷалби мутахассисони ҳирфаӣ амалӣ менамоянд.
АКС: Вазорати нақлиёти Ҷумҳурии Тоҷикистон
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
Тоҷикистон ҷонибдори тақвияти ҳамкорӣ дар соҳаи саноат дар Иттиҳоди Давлатҳои Мустақил мебошад
Байни минтақаҳои озоди иқтисодии «Суғд»-и Тоҷикистон ва «Воронеж»-и Русия созишномаи ҳамкорӣ ба имзо расид
Дар Душанбе ҷаласаи мутахассисони мақомоти омори давлатҳои аъзои Иттиҳоди Давлатҳои Мустақил доир гардид
Дар Душанбе татбиқи лоиҳаҳои муштараки иқтисодии Тоҷикистон бо Бонки Олмонии рушд баррасӣ шуд
