ЛОИҲАИ ҲАРАКАТИ OVOP. Он метавонад дар Тоҷикистон ба таъсиси ҷойи кор дар деҳоти дурдаст мусоидат намояд
ДУШАНБЕ, 23.02.2025. /АМИТ «Ховар»/. Дар Вазорати рушди иқтисод ва савдо таҳти роҳбарии муовини якуми вазир Ашурбой Солеҳзода бо Намояндаи доимии Агентии ҳамкории байналмилалии Ҷопон (JICA) Имаи Сейҷу муарифии натиҷаҳои Лоиҳаи ҳаракати «Як деҳа – як маҳсулот» (OVOP) доир гардид. Дар ин хусус ба АМИТ «Ховар» аз Вазорати рушди иқтисод ва савдои Тоҷикистон хабар доданд.
Ашурбой Солеҳзода вобаста ба ҳамкорӣ бо Агентии ҳамкории байналмилалии Ҷопон (JICA), махсусан оид ба Лоиҳаи ҳаракати «Як деҳа – як маҳсулот» (OVOP) маълумот дода, иброз намуд, ки ҳаракати OVOP дар кишварҳои гуногун ба муваффақият ноил гардидааст. Лоиҳа ҳоло ба Осиёи Марказӣ ворид гашта, дар марҳилаи рушд қарор дорад. Ҳаракати OVOP дар Тоҷикистон метавонад ҳамчун восита барои таъсиси ҷойи кор, рушди соҳибкорию ҳунармандӣ, бахусус дар деҳоти дурдаст мусоидат намояд.
Гуфта шуд, ки ҳаракати OVOP дар Тоҷикистон бо ташаббуси Вазорати рушди иқтисод ва савдо ва JICA амалӣ гашта, ба таъсиси шабакаи устувор ва самаранок барои рушди истеҳсоли маҳсулоти инноватсионӣ ва табдил додани онҳо ба брендҳои байналмилалӣ равона шудааст. Лоиҳа барои ба бозорҳои миллӣ ва байналмилалӣ баровардани маҳсулоти нав дар вилояти Хатлон фаъолият намуда, маркази OVOP дар шаҳри Бохтар таъсис ёфтааст.
Иттилоъ дода шуд, ки дар асоси таҳқиқот беш аз 100 номгӯй маҳсулоти нави инноватсионӣ дар маҳалҳои вилоят муайян гардида, ҳоло 12 намуд маҳсулот истеҳсол ва муаррифӣ карда шуд. Моҳи марти соли 2025 ин маҳсулоти истеҳсолшуда дар намоиши байналмилалии EXPO – 2025 дар шаҳри Токиои Ҷопон пешниҳоди харидорон мегардад.
Лоиҳа дар оянда дар тамоми минтақаҳои мамлакат татбиқ шуда, соли 2025 дар шаҳри Душанбе кушодани мағозаи махсуси OVOP дар назара аст.
Дар анҷоми ҷаласа вобаста ба густариши ҳамкорӣ байни мақомоти давлатӣ, истеҳсолкунандагони маҳаллӣ, бахши хусусӣ ва шарикони рушд, ки ҳар кадом дар рушди лоиҳа нақши муҳим дорад, даъват ба амал оварда шуд.
АКС: Вазорати рушди иқтисод ва савдои Ҷумҳурии Тоҷикистон
Доир ба имконоти рушди устувор ва сайёҳии экологии Резервати биосферии «Ромит» конфронси илмӣ баргузор гардид
Иҷрои «Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030» натиҷагирӣ гардид
Дар вилояти Суғд ба маблағи беш аз 836 миллион доллар сармоягузории ватанию хориҷӣ ҷалб гардидааст
Воридоти панелҳои офтобӣ ба Тоҷикистон аз пардохти андоз аз арзиши иловашуда озод карда мешавад
Ғолибони озмуни «Ҷоизаи Ҳукумати Ҷумҳурии Тоҷикистон дар соҳаи сайёҳӣ» қадрдонӣ шуданд
Ҷаласаи муштараки кумитаи ҳамоҳангсози Амалиёт оид ба ислоҳоти андоз ва Шурои машваратии андозсупорандагон баргузор шуд
Дар Хадамоти гумруки Тоҷикистон иҷрои низоми иттилоотии АСИКУДА баррасӣ гардид
Дар Бадахшон маросими ҷоизасупорӣ ба фаъолони соҳаҳои саноат, ҳунармандӣ, сайёҳӣ ва занбӯриасалпарварӣ доир шуд
Соли 2026 Кодекси энергетикии Ҷумҳурии Тоҷикистон қабул мегардад
Лоиҳаи «Барномаи маърифат ва фарҳанги экологӣ барои солҳои 2026–2030» муаррифӣ гардид
БЕМАСЪУЛИЯТӢ ДАР ИСТИФОДАИ НЕРУИ БАРҚ. Корманди зеристгоҳи барқӣ қувваи барқро ғайриқонунӣ истифода менамояд
Иҷрои Барномаи рушди соҳаи механиконии инноватсионии кишоварзӣ баррасӣ гардид
