МАЪРИФАТИ МОЛИЯВӢ. Мутахассисони «Амонатбонк» дар шаҳри Норак ҳамоиш доир намуданд
ДУШАНБЕ, 19.02.2025 /АМИТ «Ховар»/. Мутахассисони Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» бо мақсади баланд бардоштани маърифати молиявии донишҷӯён дар филиали муассисаи ғайридавлатии таълимии Коллеҷи тиббӣ-иҷтимоии шаҳри Левакант, воқеъ дар шаҳри Норак ҳамоиш баргузор намуданд.
Ба АМИТ «Ховар» аз Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» иттилоъ доданд, ки ҳамоиш дар ҳошияи татбиқи «Стратегияи миллии фарогирии молиявии Ҷумҳурии Тоҷикистон барои солҳои 2022-2026» баргузор гардид. Зимни он кормандони «Амонатбонк» дар мавзуъҳои баланд бардоштани саводнокии молиявӣ, роҳҳои раҳоӣ аз хавфҳои эҳтимолӣ ва қаллобон, бартарияти пардохтҳои ғайринақдӣ, истифодаи дурусти ҳамёнҳои электронӣ ва дигар хизматрасонии молиявӣ ба донишҷӯён маълумоти муфассал пешниҳод намуданд.
Ҳамзамон ба донишҷӯён барномаи мобилии «Амонатбонк» — «Амонат-мобайл» намоиш дода шуда, вобаста ба тарзу услуби фаъолият, афзалият ва мувофиқ будани истифодаи он, пардохти хизматрасониҳои давлатӣ ва дигар имконоти бонкию молиявӣ маълумот дода шуд.
АКС: «Амонатбонк»
ҚУРБИ АСЪОР: 1 рубли русӣ аз 0.1030 то 0.1144 сомонӣ муқаррар шудааст
Рушди инфрасохтори пардохтӣ дар вохӯрии минтақавии роҳбарияти бонкҳои миллии кишварҳои Осиёи Марказӣ ва Озарбойҷон баррасӣ шуд
Тоҷикистон бо Бонки Осиёии Рушд ва Агентии ҳамкории байналмилалии Ҷопон созишномаҳои грантӣ ба имзо расонид
«Саноатсодиротбонк» ғолиби ҷoизаҳои байналмилалии «Беҳтарин лоиҳаҳои рушди иқтисодӣ – 2026» гардид
«Амонатбонк» барандаи ҷоизаи байналмилалии WSBI-ESBG SDG Awards 2026 гардид
Натиҷаҳои рушди иқтисодии Тоҷикистон дар Таиланд муаррифӣ гардиданд
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
