Соли 2024 2831 сайёҳи хориҷӣ мавзеъҳои таърихии ноҳияи Муъминободро тамошо намуданд

ДУШАНБЕ, 12.02.2025 /АМИТ «Ховар»/. Соли 2024 ба ноҳияи Муъминобод 110 ҳазору 334 сайёҳ ворид гардидааст, ки аз ин шумора 2831 нафар сайёҳи хориҷӣ мебошад. Дар ин хусус Раиси ноҳияи Муъминобод Сайвалӣ Амирзода 11 феврал зимни нишасти матбуотӣ иттилоъ дод.

«Ноҳияи Муъминобод бо ёдгориҳои зиёди таърихию фарҳангӣ яке аз мавзеъҳои зебои сайёҳии мамлакат маҳсуб мешавад. Аз ин рӯ сайёҳони дохилию хориҷие, ки ба ноҳияи мо меоянд, бештар мавзеъҳои нодири ноҳия, махсусан мавзеи «Чилдухтарон»-ро тамошо мекунанд», — гуфт раиси ноҳия.

Сайёҳӣ яке аз самтҳои афзалиятнок ба ҳисоб рафта, барои пешрафти он дар ноҳия ҳамаи шароит муҳайё гардидааст. Ҳамзамон барои ҷалби сайёҳон пайваста тадбирҳои зарурӣ андешида мешаванд.

АКС аз манбаъҳои боз