Ҳайати Тоҷикистон дар аввалин таҷлили Рӯзи ҷаҳонии ҳифзи пиряхҳо дар қароргоҳи ЮНЕСКО дар Париж иштирок намуд
ДУШАНБЕ, 21.03.2025 /АМИТ «Ховар»/. Дар доираи нахустин таҷлили Рӯзи ҷаҳонии ҳифзи пиряхҳо ва Рӯзи ҷаҳонии захираҳои обӣ дар қароргоҳи ЮНЕСКО — шаҳри Париж конфронси сатҳи баланд баргузор гардид, ки дар он ҳайати Тоҷикистон таҳти роҳбарии Вазири маориф ва илми Ҷумҳурии Тоҷикистон Раҳим Саидзода иштирок намуд.
Ба АМИТ «Ховар» аз Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ доданд, ки яке аз нуктаҳои асосии чорабинӣ баррасии омодагӣ ба Конфронси байналмилалии сатҳи баланд оид ба ҳифзи пиряхҳо, ки 29-31 майи соли 2025 дар шаҳри Душанбе баргузор мегардад, маҳсуб мешавад.
Конфронси сатҳи баланди Париж ба ҳифзи пиряхҳо ва нақши онҳо дар идоракунии устувори захираҳои обӣ, инчунин таҳқиқи таъсири тағйирёбии иқлим ба экосистемаҳои ҷаҳонӣ бахшида шуда, дар рафти он пешсафии Ҷумҳурии Тоҷикистон дар соҳаи ҳифзи пиряхҳо ва равишҳои ҳамгироишуда дар ҳалли масъалаҳои тағйирёбии иқлим ва об таъкид гардид.
Конфронси Париж майдони махсуси муколама ва амал дар самти ҳифзи пиряхҳои ҷаҳон ва таъсири онҳо ба амнияти обӣ, ҷомеа ва экосистемаҳо арзёбӣ мегардад.
АКС: Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон
Хатҳои интиқоли барқ дар Кӯҳистони Мастчоҳ бояд навсозӣ карда шаванд
Дар Минтақаи озоди иқтисодии «Данғара» таъсиси корхонаҳои нав бо сармоягузорони эронӣ баррасӣ гардид
Дар Деҳлӣ ҳамкории Тоҷикистон ва Ҳиндустон дар соҳаи саноат ва технологияҳои муосир баррасӣ шуд
Дар Тоҷикистон саҳми бахши хусусӣ дар истеҳсоли молҳо ба 80 фоиз расид
Созишномаи шарикии давлат ва бахши хусусӣ оид ба амалишавии рушди низоми почтаи Тоҷикистон ба имзо расид
ИЛОҶИ ВОҚЕА-ПЕШ АЗ ВУҚУЪ. Дар Тоҷикистон майдони тухмгузории малах муайян карда шуд
Дар шаҳри Турсунзода беш аз 6 ҳазор бех ниҳол шинонида шуд
Дар рӯзҳои Ҷашни байналмилалии Наврӯз қатораи байналмилалии сайёҳии «Jibek Joly» («Роҳи Абрешим») ба Душанбе мерасад
35-СОЛАГИИ ИСТИҚЛОЛИ ДАВЛАТӢ. Дар ноҳияи Вахш корхонаи истеҳсоли маҳсулоти полиэтиленӣ ба фаъолият оғоз намуд
Роҳбарони роҳи оҳани Тоҷикистон ва Қазоқистон оид ба рушди долонҳои нақлиётӣ ба мувофиқа расиданд
Имсол дар хоҷагиҳои кишоварзии шаҳри Панҷакент дар 2,5 ҳазор гектар картошка кишт карда мешавад
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
