Аз мактабҳои автомобилии Ташкилоти ҷамъиятии мададгори мудофиаи шаҳрҳои Ваҳдату Турсунзода 493 нафар ба сафи Артиши миллӣ мераванд
ТУРСУНЗОДА, 29.03.2025 /АМИТ «Ховар»/. Барои омода намудани ронандагони мутахассис дар сафи Қувваҳои мусаллаҳи ҷумҳурӣ дар Мактаби муттаҳидаи техникии шаҳри Турсунзода аз ҳисоби Вазорати мудофиаи Ҷумҳурии Тоҷикистон 75 ҷавони синни даъватӣ касби ронандагии дараҷаи «С» ва «С-аккумуляторчӣ»-ро хонда, соҳиби касб гардид. Аз ин шумора 20 нафар аз шаҳри Турсунзода, 25 нафар аз шаҳри Ҳисор ва 30 нафар аз ноҳияи Шаҳринав мебошанд, ки дар маъракаи даъвати баҳорӣ ба сафи Қувваҳои Мусаллаҳи ҷумҳурӣ ҳамроҳ мегарданд. Дар ин хусус муовини сардори Мактаби муттаҳидаи техникии шаҳри Турсунзода Аъзам Саидов ба хабарнигори АМИТ «Ховар» ибрози назар намуд.
Бояд гуфт, ки барои омода намудани ронандагони мутахассис дар сафи Қувваҳои мусаллаҳи Ҷумҳурии Тоҷикистон имрӯзҳо дар Мактабҳои муттаҳидаи техникии Вазорати мудофиаи Ҷумҳурии Тоҷикистон дар шаҳру навоҳии ҷумҳурӣ беҳтарин шароити таҳсил барои азхуд намудани касби ронандагии мошинҳои гаронвазн муҳайё карда шудааст. Даъватшавандагон ба сафи Артиши миллӣ аз он самаранок истифода намуда, дар хизмати ҳарбӣ ба ҳайси мутахассис-ронанда хизмат менамоянд.
Инчунин аз ҳисоби Мақомоти иҷроияи ҳокимияти давлатии шаҳри Турсунзода аз ҷамоатҳои шаҳраку деҳот 223 нафар ҷавонони синни даъватӣ аз рӯйи касби мутахассис — ронандаи дараҷаи «С» дар Мактаби муттаҳидаи техникии шаҳр таҳсил намудаанд, ки ин дар иҷрои нақшаи даъвати тирамоҳии даъвати ҳарбии шаҳри Турсунзода нақши асосӣ дорад.
Сардори мактаби автомобилии Ташкилоти ҷамъиятии мададгори мудофиа дар шаҳри Ваҳдат Ҷамшед Давлатов гуфт, ки «тибқи нақшаи даъвати ҷавонон ба сафи Артиши миллӣ, дар фасли баҳор аз ҳисоби Вазорати мудофиаи Тоҷикистон 45 нафар даъватшавандагон аз шаҳрҳои Ваҳдату Роғун ва ноҳияи Файзобод дар давраи омӯзишӣ ҳамчун мутахассис- ронандаи мошинҳои гаронвазн таҳсил намуданд. Аз ҳисоби Мақомоти иҷроияи ҳокимияти давлатии шаҳри Ваҳдат 150 даъватшаванда дар 5 гурӯҳ имрӯзҳо касби ронандагӣ меомӯзанд, ки ҳамаи онҳо ба таври ихтиёрӣ ҳамчун мутахассис дар даъвати ҳарбии баҳорӣ ба сафи Артиши миллӣ ҳамроҳ мегарданд».
Субҳониддини МАҲМУД,
АМИТ «Ховар»
АКС: АМИТ «Ховар»
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
