Бахшида ба Соли байналмилалии ҳифзи пиряхҳо конференсияи илмӣ-назариявӣ баргузор шуд
ДУШАНБЕ, 27.03.2025 /АМИТ «Ховар»/. Бо ташаббуси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон бахшида ба Рӯзи байналмилалии ҳифзи пиряхҳо ва Соли байналмилалии ҳифзи пиряхҳо конференсияи илмӣ-назариявӣ баргузор гардид.
Тавре АМИТ «Ховар» бо истинод ба ин кумита хабар медиҳад, иштирокчиёни конференсия доир ба марҳилаҳои омӯзиши пиряхҳо, бахусус анҷом додани экспедитсия ба Антарктида, натиҷаҳои илмии бадастомада, ҳамчунин дар амал татбиқ намудани донишҳои мавҷуда дар масъалаи ҳифзи пиряхҳо маълумоти муфид пешниҳод намуда, аз саҳми назарраси Ҷумҳурии Тоҷикистон дар мавриди баррасии масъалаи обу иқлим ва ҳифзи пиряхҳо дар сатҳи ҷаҳонӣ ёдовар шуданд.
Иброз гардид, ки боиси сарфарозӣ аст, ки Тоҷикистон бо ташаббусҳои созандаи Пешвои миллат муҳтарам Эмомалӣ Раҳмон вобаста ба ҳалли масоили обу иқлим дар арсаи байналмилалӣ яке аз мамлакатҳои пешоҳанг шинохта шуда, дар ин замина якчанд чорабинии сатҳи ҷаҳонӣ гузаронида шуд.
Таъкид гардид, ки имсол бо ташаббуси Президенти Тоҷикистон дар саросари ҷаҳон Соли байналмилалии ҳифзи пиряхҳо таҷлил мешавад. Эълон гардидани соли 2025 ҳамчун Соли байналмилалии ҳифзи пиряхҳо ташаббуси панҷуми Ҷумҳурии Тоҷикистон дар соҳаи об буда, ҳадаф аз он муттаҳидии давлатҳои ҷаҳон барои ҳифзи захираҳои табиӣ, аз ҷумла об ва иқлим аст.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Душанбе бо баргузории Конфронси байналмилалии сатҳи баланд оид ба ҳифзи пиряхҳо дар харитаи иқлими ҷаҳонӣ ҷой гирифт
Академик Фарҳод Раҳимӣ: «Дидгоҳи Президенти Тоҷикистон ба криосфера ҳамчун замина барои амнияти глобалӣ»
Дар Донишгоҳи байналмилалии сайёҳӣ ва соҳибкории Тоҷикистон бахшида ба оғози Даҳсолаи байналмилалии амал оид ба илмҳои яхшиносӣ мизи мудаввар баргузор шуд
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
Сарвари давлат Эмомалӣ Раҳмон бо иштирокдорони Конфронси Созмони Милали Муттаҳид оид ба уқёнус суҳбатҳо анҷом доданд
Президенти Ҷумҳурии Тоҷикистон Эмомалӣ Раҳмон дар Конфронси СММ оид ба уқёнус иштирок намуданд
Президенти Ҷумҳурии Тоҷикистон Эмомалӣ Раҳмон дар чорабинии сатҳи баланди оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 иштирок ва суханронӣ намуданд
Илҳомҷон Оймуҳаммадзода: «Пиряхҳо на танҳо массаҳои ях, балки бойгонии зиндаи геологӣ мебошанд»
Инна Блюшенко аз Швейтсария: «Мақсад дорам забони ширину шевои тоҷикиро омӯзам»
Элиза Фернандес: «Маротибаи сеюм аст ба Тоҷикистон меоям, ҳар дафъа бештар ошиқи ин сарзамини кӯҳҳои баланд мешавам»
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
