Бахшида ба Соли фарҳанги китобхонӣ дар вилояти Хатлон китоби «Наврӯзномаи Хатлон» ба табъ расид
ДУШАНБЕ, 27.03.2025. /АМИТ «Ховар»/. Бахшида ба Соли фарҳанги китобхонӣ дар вилояти Хатлон дар арафаи Ҷашни байналмилалии Наврӯз китоби «Наврӯзномаи Хатлон» аз чоп баромад. Дар ин хусус ба АМИТ «Ховар» аз идораи рӯзномаи «Хатлон» хабар доданд.
Китоб бо ибтикори аҳли эҷоди рӯзномаи «Хатлон» таҳия гардида, таърихи пурғановати ҷашни Наврӯз, ҷанбаҳои маънавию фарҳангии он ва нақши ин ойини бостониро дар ҳаёти иҷтимоии мардум инъикос менамояд.
Маҷмуа мақолаҳои таҳлилӣ, очерку лавҳаҳои публитсистӣ, осори бадеӣ ва маълумоти таърихиро дар бар гирифта, ба хонандагон оид ба ҷаҳонбинии васеъ дар бораи Наврӯз, суннатҳои дерина ва хосиятҳои Наврӯзи Хатлонзамин маълумот медиҳад.
Дар пешгуфтори маҷмуа Раиси вилояти Хатлон Давлаталӣ Саид иброз доштааст, ки «Наврӯзи фархунда, ки соли нави аҷдодии мо маҳсуб мешавад, оғози марҳилаи нави таҳаввули азим дар ҳаёти иҷтимоию иқтисодии Тоҷикистон мебошад, ки бо ин дар роҳи татбиқи ҳадафҳои стратегии мамлакат қадамҳои устувор гузошта мешаванд. Боиси ифтихор аст, ки мардуми заҳматқарину ватандӯсти Хатлонзамин бо азму талоши пайваста дар рушди устувори мамлакат, ободонии сарзамини аҷдодӣ ва беҳбуди рӯзгор саҳми назаррас мегузоранд. Имрӯз бо ташаббуси роҳбарияти олии мамлакат дар вилояти Хатлон садҳо иншооти муҳим бунёд мегарданд, инфрасохтори шаҳру деҳот рушд меёбад ва сатҳи зиндагии мардум беҳтар мешавад. Ҳамаи ин талошҳо ба ояндаи дурахшони давлату миллатамон нигаронида шудаанд».
Бояд гуфт, ки «Наврӯзномаи Хатлон» барои муҳаққиқон, рӯзноманигорон, донишҷӯён ва ҳамаи дӯстдорони фарҳангу тамаддуни миллӣ манфиатовар мебошад.
АКС: Идораи рӯзномаи «Хатлон»
Ҳаракати фарҳангии «Корвони китоб» дар минтақаи Кӯлоб идома дорад
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Ҷилди панҷуми китоби «Таърихи халқи тоҷик» рунамоӣ гардид
Сафири Тоҷикистон дар Ҳамоиши байналмилалии «Ҳафтаи оби Қоҳира-2026» иштирок намуд
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
Намояндаи Тоҷикистон ба ҳайси раиси Мақомоти ёрирасон ҷиҳати татбиқи Конвенсияи СММ оид ба гуногунии биологӣ интихоб гардид
Моҳи майи соли 2027 Душанбе мизбони Конфронси байналмилалии сатҳи баланд бахшида ба оғози Даҳсолаи байналмилалии таҳкими сулҳ мегардад
Доир ба таъриху фарҳанги Кӯшониён конфронси ҷумҳуриявӣ баргузор шуд
Оид ба тадқиқоти пиряхҳо ва раванди гузаронидани корҳои экспедитсионӣ машварати илмӣ-назариявӣ доир гардид
Маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» оғоз гардид
«КОРВОНИ КИТОБ-2026». Беш аз 6 ҳазор нусха китоб ба шаҳру ноҳияҳои минтақаи Кӯлоб ройгон тақдим мегардад
Дар мавзуи «Шинохти Мавлоно дар ҷаҳони муосир» ҳамоиши илмӣ доир шуд
