Бинои Маркази таъминоти бехатарии озуқаворӣ дар шаҳри Конибодом навсозӣ мегардад

ДУШАНБЕ, 31.03.2025 /АМИТ «Ховар»/. Дар доираи тадбирҳои ободониву бунёдкорӣ ба истиқболи 35-солагии Истиқлоли давлатии Ҷумҳурии Тоҷикистон бинои Маркази таъминоти бехатарии озуқаворӣ дар шаҳри Конибодом навсозӣ карда мешавад.
Тавре АМИТ «Ховар» бо истинод ба Раёсати Кумитаи бехатарии озуқаворӣ дар вилояти Суғд хабар медиҳад, бинои марказ аз се ошёна иборат буда, тибқи нақша соли 2026 ба истифода дода мешавад.
Бинои Маркази таъминоти бехатарии озуқаворӣ бо маблағгузории Кумитаи бехатарии озуқаворӣ бунёд шуда, дар он барои фаъолияти мутахассисон шароити мусоид муҳайё карда мешавад.
АКС: Раёсати Кумитаи бехатарии озуқаворӣ дар вилояти Суғд