Дар Душанбе масъалаи рушди шабакаҳои транзити нақлиётӣ баррасӣ гардид
ДУШАНБЕ, 28.03.2025 /АМИТ «Ховар»/. 25 март вохӯрии Вазири рушди иқтисод ва савдои Ҷумҳурии Тоҷикистон Завқӣ Завқизода бо Дабири кулли Созмони ҳамкории иқтисодӣ (СҲИ) доктор Асад Маҷид Хон баргузор шуд, ки зимни он ҷонибҳо масъалаи рушди шабакаҳои транзити нақлиётиро муҳокима намуданд. Дар ин хусус АМИТ «Ховар» бо истинод ба Вазорати рушди иқтисод ва савдо хабар медиҳад.
Завқӣ Завқизода иброз намуд, ки бо ташаббуси Президенти Ҷумҳурии Тоҷикистон муҳтарам Эмомалӣ Раҳмон масъалаи ҳамгироии минтақавии иқтисодӣ дар маркази сиёсати хориҷии иқтисодии мамлакат қарор дошта, Тоҷикистон ҳамкории босамарро бо ташкилоти байналмилалии минтақавӣ, аз ҷумла Созмони ҳамкории иқтисодӣ яке аз самтҳои афзалиятнок медонад.
Таъкид гардид, ки Ҷумҳурии Тоҷикистон ҳамчун мамлакати фаъол ва ташаббускор дар доираи Созмони ҳамкории иқтисодӣ дар самтҳои муҳими иқтисодӣ, аз ҷумла рушди савдои озод, густариши долонҳои нақлиётӣ, ҳамкории энергетикӣ, идоракунии захираҳои обӣ, рушди сайёҳӣ ва татбиқи иқдоми сабзи экологӣ саҳми арзанда мегузорад.
Иттилоъ дода шуд, ки имрӯз зиёда аз сеяки гардиши савдои хориҷии мамлакат маҳз ба кишварҳои аъзои Созмони ҳамкории иқтисодӣ рост меояд, ки аз афзоиши ҳамкории мутақобили судманд дарак медиҳад.
Дар идомаи вохӯрӣ ҷонибҳо масъалаҳои вобаста ба рушди ҳамкории гумрукӣ, бозори воҳиди энергетикӣ ва барномаҳои иҷтимоию фарҳангии Созмони ҳамкории иқтисодиро мавриди баррасӣ қарор дода, дурнамои тавсеаи минбаъдаи ҳамкориро муҳокима намуданд.
АКС: Вазорати рушди иқтисод ва савдои Ҷумҳурии Тоҷикистон
Ҳаҷми истеҳсоли маҳсулоти кишоварзӣ дар Тоҷикистон беш аз 23 миллиард сомониро ташкил дод
Маконҳои таърихӣ, фарҳангӣ ва сайёҳии Тоҷикистонро беш аз 760 ҳазор сайёҳи хориҷӣ тамошо намуданд
Логистика ба бахши ҷудонопазир ва муҳаррики муҳими иқтисод табдил меёбад
Ҷаласаи Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» доир шуд
Дар Форуми иқтисодӣ, сармоягузорӣ ва сайёҳӣ зиёда аз 100 ширкати Тоҷикистон ва Амороти Муттаҳидаи Араб иштирок намуданд
Байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб Созишномаи ҳамкорӣ оид ба алоқаи ҳавоӣ ба имзо расид
Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид
Ҳаҷми истеҳсоли маҳсулоти саноатӣ дар вилояти Суғд ба 18,1 миллиард сомонӣ расид
Вохӯрии маҷозии Шурои тиҷоратии Тоҷикистону Амрико дар мавзуи технологияҳои рақамӣ баргузор гардид
Тоҷикистон ва Амороти Муттаҳидаи Араб ҳамкориро дар бахшҳои саноат ва иқтисод баррасӣ намуданд
Иншооти аср — Неругоҳи барқи обии «Роғун» таҳти роҳнамоии Президенти Тоҷикистон бунёд мегардад
Чаро дар Тоҷикистон нархи картошка гарон аст? Маҳдуд кардани дахолати миёнаравҳо имкон медиҳад, ки кишоварзон маҳсулоти худро бевосита ба бозор бароранд
