Дар Душанбе татбиқи лоиҳаҳо вобаста ба маблағгузории «сабз» баррасӣ гардид
ДУШАНБЕ, 14.03.2025 /АМИТ «Ховар»/. Татбиқи лоиҳаҳои муштарак дар самти баланд бардоштани сатҳи идоракунии корпоративӣ дар бахши бонкӣ дар мулоқоти Раиси Бонки миллии Тоҷикистон Фирдавс Толибзода бо директори иҷроияи Бонки аврупоии таҷдид ва рушд дар кишварҳои Осиёи Миёна ва Муғулистон Ҳусейн Озхан дар Душанбе баррасӣ гардид, иттилоъ медиҳад АМИТ «Ховар» бо истинод ба Бонки миллии Тоҷикистон.
Ҷонибҳо масъалаҳои марбут ба рушди бозори пулу сармоя ва суғурта, такмили сиёсати пулию қарзӣ дар Тоҷикистон ва маблағгузории «сабз»-ро баррасӣ намуданд.
Раиси Бонки миллии Тоҷикистон ҳайати Бонки аврупоии таҷдид ва рушдро бо вазъи макроиқтисодӣ ва низоми бонкии мамлакат шинос намуда, гуфт, ки новобаста аз сатҳи баланди номуайянии иқтисодӣ дар минтақа нишондиҳандаҳои макроиқтисодӣ ва низоми бонкии ҷумҳурӣ муътадил боқӣ мемонанд.
Бонки миллии Тоҷикистон тасмим гирифтааст, ки барои таъмини ҷонибҳои манфиатдор бо иттилооти баландсифат оид ба раванди татбиқи лоиҳаҳои муштарак платформаи ягонаи иттилоотӣ таҳия намояд. Дар доираи дастгирии низоми молиявии «сабз» Ҳукумати Ҷумҳурии Тоҷикистон барои ҷалби маблағгузории «сабз» «Стратегияи рушди иқтисоди «сабз» дар Ҷумҳурии Тоҷикистон барои солҳои 2023-2037» қабул намудааст, ки он ислоҳоти институтсионалиро фаро гирифта, дар татбиқи принсипҳои идоракунии экологӣ, иҷтимоӣ ва корпоративӣ, таҳлили хатарҳои иқлим дар муассисаҳои молиявӣ, инчунин рушди бозори маблағгузории «сабз» нақши муҳим мебозад.
Ҷонибҳо инчунин доир ба рушди бозори суғуртаи мамлакат суҳбат намуданд. Дар ин самт «Стратегияи рушди низоми суғурта дар Ҷумҳурии Тоҷикистон барои солҳои 2025-2029» таҳия гардида, ҳамкорӣ байни Бонки миллии Тоҷикистон ва Бонки аврупоии таҷдид ва рушд доир ба тақвияти иқтидори идораи назорати суғуртавӣ ва татбиқи намудҳои хизматрасонии суғуртавӣ муҳим мебошад.
АКС: Бонки миллии Тоҷикистон
ҚУРБИ АСЪОР: 1 рубли русӣ аз 0.1137 то 0.1130 сомонӣ муқаррар шудааст
Ҷаласаи Гурӯҳи корӣ оид ба мониторинг ва арзёбии ҳуҷҷатҳои банақшагирии стратегӣ дар соли 2025 доир шуд
Имконоти гидроэнергетикии Тоҷикистон дар Конфронси 29-уми ҷаҳонии сармоягузорӣ дар Шарҷа муаррифӣ гардид
Пахтакорӣ яке аз бахшҳои муҳими соҳаи кишоварзии ноҳияи Данғара ҳисобида мешавад
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Раванди омодагӣ ба Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор» баррасӣ шуд
Намояндаи Тоҷикистон дар ҷаласаи Шурои байнидавлатӣ оид ба сиёсати зиддиинҳисорӣ дар Беларус иштирок намуд
Тоҷикистон ва Чин тасмим гирифтаанд, ки ҳамкориро дар соҳаи обуҳавошиносӣ тақвият диҳанд
Вазирони энергетикаи Тоҷикистон ва Эрон масъалаҳои иҷрои протоколи Комиссияи муштараки байниҳукуматиро баррасӣ намуданд
Татбиқи марҳилаи чоруми Лоиҳаи метеорологии Финляндия ва Тоҷикистон баррасӣ гардид
ҚУРБИ АСЪОР: 1 доллари ИМА аз 9.2271 то 9.3000 сомонӣ муқаррар шудааст
Ташаббусҳои глобалии Тоҷикистон дар соҳаи об дар ҷаласаи Конфронси исломии вазирони масъул оид ба масъалаҳои об дар Ҷидда баррасӣ гардид
