Дар Ню-Йорк амалишавии Соли байналмилалии ҳифзи пиряхҳоро баррасӣ намуданд
ДУШАНБЕ,25.03.2025 /АМИТ «Ховар»/. 21 март дар мулоқоти Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода ва мушовири махсуси Дабири кулли Созмони Милали Муттаҳид оид ба иқлим Селвин Чарлз Ҳарт зарурати таҳким ёфтани ҳамкории байналмилалӣ, ҳалли инноватсионӣ ва афзоиши сармоягузорӣ дар таҳқиқот ва технологияҳо барои кам кардани таъсири тағйирёбии иқлим ба пиряхҳо таъкид гардид.
Тавре АМИТ «Ховар» бо истинод ба Кумитаи ҳифзи муҳити зист назди Ҳукумати Тоҷикистон хабар медиҳад, мулоқот дар қароргоҳи Созмони Милали Муттаҳид дар шаҳри Ню-Йорк дар ҳошияи чорабинии сатҳи баланд оид ба Рӯзи ҷаҳонии пиряхҳо баргузор шуда, дар он ба пешбурди талошҳои ҷаҳонӣ барои ҳифзи пиряхҳо ва амалӣ намудани соли 2025 Соли байналмилалии ҳифзи пиряхҳо, ки бо ташаббуси Президенти Тоҷикистон муҳтарам Эмомалӣ Раҳмон, аз ҷониби Маҷмаи Умумии Созмони Милали Муттаҳид эълон шудааст, равона гардид.
Баҳодур Шерализода аҳамияти ташаббуси Соли байналмилалии ҳифзи пиряхҳоро ҳамчун платформаи ҷаҳонӣ барои баланд бардоштани огоҳӣ ва мобилизатсияи амалҳои байналмилалӣ дар самти ҳифзи пиряхҳо, ки дар натиҷаи пайомадҳои тағйирёбии иқлим бо суръат об мешаванд, иброз намуд.
Дар мулоқот инчунин Конфронси байналмилалии сатҳи баланд оид ба ҳифзи пиряхҳо, ки дар шаҳри Душанбе аз 29 то 31 майи соли 2025 баргузор мешавад, баррасӣ гардид. Баҳодур Шерализода Селвин Чарлз Ҳартро барои иштирок дар конфронс даъвати расмӣ намуда, иброз дошт, ки таҷриба ва қобилияти роҳбарии ӯ дар амалҳои ҷаҳонӣ оид ба иқлим муҳим аст.
Ҷонибҳо таъкид намуданд, ки натиҷаҳои конфронс бояд роҳнамои аниқ ва амалиро барои ҳифзи пиряхҳо дар сатҳи глобалӣ муайян намояд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Татбиқи лоиҳаи таҷдиди роҳи мошингарди Душанбе-Кулма баррасӣ гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
«ITB Berlin 2026». Дар доираи намоишгоҳ ширкатҳои сайёҳии Тоҷикистон беш аз 20 шартномаи ҳамкорӣ ба имзо расониданд
Дар минтақаи ҷангалпарварии ноҳияи Рӯдакӣ зиёда аз 30 ҳазор бех ниҳол шинонида шуд
Дар водиҳои Тоҷикистон кишти картошка идома дорад
Дар шоҳроҳи Роғун — Нуробод зиёда аз 900 бех ниҳоли олуча ва дарахтони сояафкан шинонида шуд
«Стратегияи рушди саноат дар Ҷумҳурии Тоҷикистон барои давраи то соли 2030» мавриди амал қарор дорад
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷиро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
