Наврӯзи байналмилалӣ дар ноҳияи Мастчоҳ бошукуҳ таҷлил гардид
ДУШАНБЕ, 21.03.2025 /АМИТ «Ховар»/. 21 март сокинони ноҳияи Мастчоҳ Наврӯзи байналмилалиро бо шукуҳу шаҳомати хосса таҷлил намуданд.
Тавре ба АМИТ «Ховар» аз Мақомоти иҷроияи ҳокимияти давлатии ноҳияи Мастчоҳ, меҳмонон бо намоиши хӯрокҳои миллӣ, ҳунарҳои мардумӣ, дастовардҳои соҳаи кишоварзӣ, варзиш ва маориф шинос шуданд.
Таъкид гардид, ки Наврӯз рамзи эҳтиром ба табиат, арҷгузорӣ ба арзишҳои инсондӯстона ва қаробату ҳамдигарфаҳмӣ байни халқу миллатҳои гуногун ба шумор меравад. Ин ҷашни зебои табиӣ дар раванди рушди таърихӣ бо ҳикмату фалсафаи инсонпарваронааш ба тамаддуну фарҳангҳои дигар таъсири амиқ расонида, аз ҷониби халқу миллатҳо тадриҷан пазируфта шудааст.
«Наврӯз ва расму ойинҳои наврӯзӣ дар тӯли мавҷудияти беш аз шашҳазорсолаи хеш ҳамчун сарчашмаи муҳими ахлоқиву тарбиявӣ барои дар руҳияи бунёдкориву созандагӣ, таҳаммулгароӣ, хештаншиносӣ, зебоипарастӣ, дӯстию рафоқат, ҳамзистӣ ва некиву накукорӣ тарбия намудани инсоният хизмат намуда, фарҳанги миллати куҳанбунёду соҳибтамаддуни моро дар арсаи ҷаҳонӣ муаррифӣ намудааст», — тазаккур дода шуд дар чорабинӣ.
Иброз гардид, ки Наврӯз на танҳо оғози сол ва фасли зебои баҳор, балки рамзи умед ба ояндаи нек, фардои дурахшон ва зиндагии пурсаодат аст. Дар партави сиёсати хирадмандонаи Пешвои миллат, муҳтарам Эмомалӣ Раҳмон, кишвари мо сол ба сол ободу шукуфон гардида, ноҳияи Мастчоҳ низ дар самти рушди иқтисодӣ, иҷтимоӣ ва фарҳангӣ қадамҳои устувор мегузорад.
Дар фарҷом барномаи рангини консертӣ пешкаши иштирокдорон гардонида шуд.
АКС: Мақомоти иҷроияи ҳокимияти давлатии ноҳияи Мастчоҳ
Дар Майдони «Истиқлол» барномаи фарҳангии фараҳафзо баргузор гардид
Дар шаҳри Москва ба муносибати Ҷашни байналмилалии Наврӯз чорабинии тантанавӣ баргузор гардид
Таҷлили ҷашни Наврӯз дар Сафорати Ҷумҳурии Тоҷикистон дар Давлати Кувайт
Имкониятҳои сайёҳии шаҳри Душанбе ва таҷлили ҷашни Наврӯз аз ҷониби блогерони хориҷӣ тарғиб мешаванд
Дар Бадахшон Ҷашни байналмилалии Наврӯз пуршукуҳ таҷлил гардид
Кормандони Агентии назорати давлатии молиявӣ ва мубориза бо коррупсия иди Наврӯзро таҷлил намуданд
Ба муносибати Ҷашни байналмилалии Наврӯз дар ноҳияҳои шаҳри Душанбе барномаҳои фарҳангӣ-фароғатӣ баргузор шуданд
Имрӯз ба ифтихори ҷашни Наврӯз дар Майдони Истиқлоли пойтахт барномаи консертӣ бо мушакпаронӣ доир карда мешавад
«Корвони наврӯзӣ» аз чор дарвозаи пойтахт ба сокинону меҳмонон аз омадани Наврӯзи оламафрӯз мужда расонид
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
Пешвои миллат: «Тоҷикистони маҳбуби мо воқеан Ватани аслии Наврӯз аст»
Барқияҳои табрикӣ ба унвони Президенти Ҷумҳурии Тоҷикистон Эмомалӣ Раҳмон аз номи як қатор сарони давлатҳо ба муносибати Ҷашни байналмилалии Наврӯз
