Ҷопон хостори тақвияти ҳамкории байнибонкӣ бо Тоҷикистон мебошад
ДУШАНБЕ, 06.03.2025 /АМИТ «Ховар»/. Қонунгузории Ҷумҳурии Тоҷикистон дар соҳаи бонкдорӣ барои таъсиси бонкҳои хориҷӣ, филиал ва намояндагиҳои онҳо дар Тоҷикистон шароити мусоид фароҳам овардааст. Чунин гуфта шуд дар мулоқоти Раиси Бонки миллии Тоҷикистон Фирдавс Толибзода бо Сафири Фавқулода ва Мухтори Ҷопон дар Тоҷикистон хонум Кейко Фурута. Дар ин хусус ба АМИТ «Ховар» аз Бонки миллии Тоҷикистон иттилоъ доданд.
Ҷонибҳо оид ба ҳолати кунунии низоми бонкии мамлакат, тавсеаи ҳамкорӣ дар самти низоми бонкӣ, кушодани суратҳисобҳои муросилотӣ, иштироки сармояи Ҷопон дар сармояи оинномавии ташкилоти қарзии Тоҷикистон, инчунин ифтитоҳи филиалҳо ва намояндагиҳои бонкҳои Ҷопон дар Тоҷикистон табодули назар намуданд.
Фирдавс Толибзода хонум Кейко Фурутаро бо вазъи макроиқтисодӣ ва низоми бонкии Тоҷикистон шинос намуда, гуфт, ки Бонки миллии Тоҷикистон ҳамчун бонки марказии мамлакат ба рушду таҳкими робитаҳо байни низоми бонкии Тоҷикистон ва Ҷопон, аз ҷумла барқарор намудани муносибатҳои муросилотӣ, кушодани суратҳисобҳои муросилотӣ бо бонкҳои Ҷопон, инчунин ҳамкории дуҷониба бо Бонки марказии Ҷопон манфиатдор мебошад. Таъкид гардид, ки Бонки миллии Тоҷикистон омода аст, ки дархостҳоро барои кушодани бонкҳо, филиалу намояндагиҳои бонкҳои хориҷӣ баррасӣ намояд ва давлат баробарҳуқуқии сармоягузорони хориҷию ватаниро кафолат медиҳад.
Ҷонибҳо инчунин вобаста ба ҳамкорӣ тавассути Агентии Ҷопон оид ба ҳамкории байналмилалӣ (JICA) дар Ҷумҳурии Тоҷикистон ва лоиҳаи грантии JDS («Барномаи бурсияҳо оид ба рушди иқтидори захираҳои инсонӣ») суҳбат намуданд. Таъкид шуд, ки ин лоиҳаҳо дар тақвияти инфрасохтор, идоракунии хавфҳои офатҳои табиӣ ва рушди захираҳои инсонӣ саҳми назаррас доранд.
Изҳори боварӣ карда шуд, ки талошҳои пайваста барои баланд бардоштани иқтидор, тақвияти ҳамкории байналмилалӣ ва имконияти таълимӣ ба рушди бахши бонкии Тоҷикистон ва дар маҷмуъ ба пешрафти иқтисодиёти он мусоидат менамоянд.
Хонум Кейко Фурута аз таваҷҷуҳи Бонки миллии Тоҷикистон дар самти тавсеаи ҳамкорӣ дар бахши низоми бонкии ду давлат истиқбол карда, барои тақвияти ҳамкории самаранок изҳори ҳавасмандӣ намуд.
АКС: Бонки миллии Тоҷикистон
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
