Таҷлили Ҷашни байналмилалии Наврӯз дар Донишгоҳи техникии алоқа ва информатикаи Москва
ДУШАНБЕ, 29.03.2025. /АМИТ «Ховар»/. 28 марти соли 2025 бо ташаббуси Сафорати Ҷумҳурии Тоҷикистон дар Федератсияи Русия дар ҳамкорӣ бо Ташкилоти ҷамъиятии «Маркази фарҳанги тоҷикон» дар Донишгоҳи техникии алоқа ва информатикаи Москва бахшида ба таҷлили Ҷашни байналмилалии Наврӯз чорабинӣ баргузор гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Федератсияи Русия хабар доданд.
Дар чорабинӣ роҳбарияти Донишгоҳ, намояндагони мақомоти марбутаи кишвари иқомат, доираҳои илму фарҳанг, намояндагони корпуси дипломатӣ, инчунин ҳамватанони муқими Русия иштирок намуданд.
Барномаи пурмуҳтаво ва ҷолиб, ки аз ҷониби донишҷӯёни тоҷик ва Ташкилоти ҷамъиятии «Маркази фарҳанги тоҷикон» омода гардида буд, иштирокдоронро бо фарҳанги пурғановат, мероси маънавӣ, санъат ва анъанаи беназири Тоҷикистон шинос намуд.
Мусиқии ноби тоҷикӣ, оҳангҳои дилнишин ва рақсҳои зебои донишҷӯёни тоҷик, аҳли нишастро дар фазои зебогӣ ва пурнишоти Тоҷикистон қарор дод.
Баъд аз қисми расмии чорабинӣ филми мустанад оид ба фарҳанги волои миллати тоҷик манзур гардида, ҳунарҳои мурдумӣ, ғизоҳову либосҳои миллии Тоҷикистон ба иштирокдорони ҳамоиш муаррифӣ карда шуданд.
АКС: Сафорати Ҷумҳурии Тоҷикистон дар Федератсияи Русия
Муҳаммадин, Шодмон, Фарҳод ва Шакармамад соҳиби шоҳҷоизаҳои мусобиқаи гӯштини миллии ноҳияи Рашт гардиданд
Аъзои Ҳизби Халқии Демократии Тоҷикистон дар Неругоҳи барқи обии «Роғун» Наврӯзи байналмилалиро таҷлил намуданд
Ҷашни байналмилалии Наврӯз дар ноҳияи Рашт бо тантанаю шаҳомати хосса таҷлил гардид
Ҷашни байналмилалии Наврӯз дар Хадамоти гумруки Тоҷикистон ботантана таҷлил гардид
Дар Нуробод ҷашни Наврӯз бо барномаҳои фарҳангӣ, варзишӣ ва ободкориҳо таҷлил карда шуд
Дар Мактаб-интернати ҷумҳуриявӣ барои кӯдакони ятим дар ноҳияи Ёвон Иди Наврӯз таҷлил карда шуд
Сокинони ноҳияи Лахш Наврӯзи байналмилалиро бо шаҳомати хосса таҷлил намуданд
Дар ноҳияи Рашт карнавали наврӯзӣ доир шуд
Китобҳои «Эмомалӣ Раҳмон — Ҷамшеди рӯзгори мо» ва «Наврӯз аз Рӯдакӣ то имрӯз» муаррифӣ гардиданд
Дар қароргоҳи ЮНЕСКО дар Париж Наврӯзи байналмилалиро таҷлил карданд
Бахшида ба Наврӯз дар Боку шоми фарҳангии «Chakan Fashion Show: мероси анъанаҳо давоми асрҳо» баргузор шуд
Дар деҳаи Рошорви водии Бартанг ҷашни Наврӯзро таҷлил намуданд
