Ҳаҷми истеҳсоли маҳсулоти саноатӣ дар вилояти Хатлон ба 2,7 миллиард сомонӣ расонида шуд
ДУШАНБЕ, 15.04.2025. /АМИТ «Ховар»/. Мувофиқи маълумоти омории вилояти Хатлон, дар семоҳаи якуми соли равон ҳаҷми истеҳсоли маҳсулоти саноатӣ ба 2,7 миллиард сомонӣ расонида шуда, афзоиш нисбат ба ҳамин давраи соли 2024 104,2 фоиз, яъне 205,8 миллион сомонӣ зиёд мебошад. Дар ин хусус 14 апрел зимни баргузории ҷаласаи Сарраёсати Вазорати молияи Ҷумҳурии Тоҷикистон дар вилояти Хатлон иттилоъ дода шуд.
Дар ин давра маҳсулоти кишоварзӣ ба андозаи 1,7 миллиард сомонӣ, иҷрои корҳои сохтмонӣ 479,8 миллион сомонӣ, гардиши савдои чакана 4,9 миллиард сомонӣ ва хизматрасонии пулакӣ 704,0 миллион сомонӣ таъмин гардидааст, ки нисбат ба ҳамин давраи соли 2024 555,9 милллион сомонӣ зиёд мебошад.
Сардори Сарраёсати Вазорати молияи Ҷумҳурии Тоҷикистон дар вилояти Хатлон Аъзамҷон Чиллазода иброз намуд, ки мувофиқи маълумот бо назардошти рушди воқеии иқтисодиёти вилоят иҷрои нақшаи қисми даромади буҷети маҳаллӣ дар давраи ҳисоботӣ аз рӯи контингенти умумӣ ба андозаи 101,5 фоиз ва аз ҳисоби даромадҳои худӣ ба андозаи 101 фоиз таъмин гардид. Аз ин ҳисоб ба буҷет ба ҷои 643,1 миллион сомонӣ нақшаи пешбинишуда 648,2 миллион сомонӣ ворид гардид, ки нисбат ба нақша 5,1 миллион сомонӣ ва назар ба ҳамин давраи соли 2024 100,0 миллион сомонӣ зиёд мебошад.
Дар ҷаласа гуфта шуд, ки яке аз масъалаҳои дигаре, ки таҳти назорати доимии роҳбарияти Вазорати молияи Ҷумҳурии Тоҷикистон қарор дорад, ин пардохти саривақтии маблағҳои пешбинишудаи коммуналӣ ва роҳ надодан ба пайдоиши қарз дар ташкилоту муассисаҳои буҷетӣ мебошад.
АКС: Сарраёсати Вазорати молияи Ҷумҳурии Тоҷикистон дар вилояти Хатлон
Дар Бонки миллии Тоҷикистон масъалаи сифати аудити берунаи ташкилотҳои суғуртавӣ баррасӣ гардид
Дар Душанбе татбиқи лоиҳаҳои муҳими стратегӣ дар соҳаи нақлиёт байни Тоҷикистон ва Чин баррасӣ гардид
«Саноатсодиротбонк» барои дастгирии соҳибкорӣ ва иқтисоди «сабз» «Иқдоми нав дар Соли нав»-ро роҳандозӣ менамояд
«Саҳифаи интернетии мутамарказ барои муқоисаи нархҳо/пешниҳодҳо»-и хизматрасониҳои молиявӣ таҳия карда мешавад
Байни Тоҷикистону Ҷопон Барномаи ҳамкории тиҷоративу иқтисодӣ барои солҳои 2026-2028 қабул карда мешавад
Доир ба имконоти рушди устувор ва сайёҳии экологии Резервати биосферии «Ромит» конфронси илмӣ баргузор гардид
Иҷрои «Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030» натиҷагирӣ гардид
Дар вилояти Суғд ба маблағи беш аз 836 миллион доллар сармоягузории ватанию хориҷӣ ҷалб гардидааст
Воридоти панелҳои офтобӣ ба Тоҷикистон аз пардохти андоз аз арзиши иловашуда озод карда мешавад
Ғолибони озмуни «Ҷоизаи Ҳукумати Ҷумҳурии Тоҷикистон дар соҳаи сайёҳӣ» қадрдонӣ шуданд
Ҷаласаи муштараки кумитаи ҳамоҳангсози Амалиёт оид ба ислоҳоти андоз ва Шурои машваратии андозсупорандагон баргузор шуд
Дар Хадамоти гумруки Тоҷикистон иҷрои низоми иттилоотии АСИКУДА баррасӣ гардид
