Бахшида ба Соли байналмилалии ҳифзи пиряхҳо озмуни рассомӣ доир мешавад
ДУШАНБЕ, 08.04.2025 /АМИТ «Ховар»/. Дар доираи Соли байналмилалии ҳифзи пиряхҳо эълон гардидани соли 2025, ки ташаббуси панҷуми Президенти Ҷумҳурии Тоҷикистон муҳтарам Эмомалӣ Раҳмон мебошад, Кумитаи ҳифзи муҳити зисти назди Ҳукумати Ҷумҳурии Тоҷикистон таҳти унвони «Ҳифзи пиряхҳо – ояндаи мост» озмуни эҷодии рассомӣ эълон менамояд. Дар ин хусус АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.
Ҷалби таваҷҷуҳи ҷомеа, махсусан ҷавонон ба мушкилии обшавии пиряхҳо ва зарурати ҳифзи он аз ҳадафҳои асосии озмун мебошад.
Барои иштирок дар озмун ҳама гуна техникаҳои рассомӣ – акварел, гуаш, қалам ва ғайра қабул карда мешаванд. Андозаи расме, ки ба озмун пешниҳод мешавад, бояд 60 х 50 см бошад. Ба озмун ҳама хоҳишмандон, новобаста аз синну сол даъват карда мешаванд.
Озмун шаҳрвандонро ба дарки аҳамияти пиряхҳо, нақши онҳо дар захираҳои обӣ ва низоми иқлим, инчунин роҳҳои ҳифзи онҳо ҳидоят менамояд.
Беҳтарин асарҳо аз ҷониби ҳайати доварон, ки ба он мутахассисони соҳаи экология ва созмондиҳандагони озмун дохил мешаванд, интихоб гардида, дар чорабинии ниҳоии «Моҳи ҳифзи пиряхҳо» намоиш дода мешаванд.
Ғолибон бо ҷоизаҳо ва шаҳодатномаҳо қадрдонӣ шуда, асарҳои беҳтарин барои баланд бардоштани маърифати экологӣ истифода мегарданд.
АКС аз манбаъҳои боз
Душанбе бо баргузории Конфронси байналмилалии сатҳи баланд оид ба ҳифзи пиряхҳо дар харитаи иқлими ҷаҳонӣ ҷой гирифт
Академик Фарҳод Раҳимӣ: «Дидгоҳи Президенти Тоҷикистон ба криосфера ҳамчун замина барои амнияти глобалӣ»
Дар Донишгоҳи байналмилалии сайёҳӣ ва соҳибкории Тоҷикистон бахшида ба оғози Даҳсолаи байналмилалии амал оид ба илмҳои яхшиносӣ мизи мудаввар баргузор шуд
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
Сарвари давлат Эмомалӣ Раҳмон бо иштирокдорони Конфронси Созмони Милали Муттаҳид оид ба уқёнус суҳбатҳо анҷом доданд
Президенти Ҷумҳурии Тоҷикистон Эмомалӣ Раҳмон дар Конфронси СММ оид ба уқёнус иштирок намуданд
Президенти Ҷумҳурии Тоҷикистон Эмомалӣ Раҳмон дар чорабинии сатҳи баланди оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 иштирок ва суханронӣ намуданд
Илҳомҷон Оймуҳаммадзода: «Пиряхҳо на танҳо массаҳои ях, балки бойгонии зиндаи геологӣ мебошанд»
Инна Блюшенко аз Швейтсария: «Мақсад дорам забони ширину шевои тоҷикиро омӯзам»
Элиза Фернандес: «Маротибаи сеюм аст ба Тоҷикистон меоям, ҳар дафъа бештар ошиқи ин сарзамини кӯҳҳои баланд мешавам»
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
