Дар Абузабӣ ҷалби сармояи ADFD барои идомаи сохтмони неругоҳи «Роғун» баррасӣ гардид
ДУШАНБЕ, 09.04.2025 /АМИТ «Ховар»/. Масъалаи ҷалби сармоя барои идомаи сохтмони Неругоҳи барқи обии «Роғун» дар мулоқоти Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода бо Директори генералии Фонди рушди Абузабӣ (ADFD) Муҳаммад Саиф Ал Сувайдӣ дар Амороти Муттаҳидаи Араб баррасӣ гардид, иттилоъ медиҳад АМИТ «АМИТ «Ховар» бо истинод ба ин кумита.
Султон Раҳимзода имконияти васеи энергетикии Тоҷикистон, бахусус дар соҳаи энергияи «сабз»-ро муаррифӣ намуда, аз ADFD даъват ба амал овард, ки дар татбиқи лоиҳаи Неругоҳи барқи обии «Роғун» ва дигар лоиҳаҳои инфрасохторӣ сармоягузорӣ намояд.
Ал Сувайдӣ бо изҳори қаноатмандӣ аз ҳамкории дуҷониба омодагии ADFD-ро барои баррасии имконияти сармоягузорӣ дар соҳаҳои афзалиятноки Тоҷикистон, аз ҷумла энергетика иброз дошт. Ӯ гуфт, ки ADFD дар маблағгузории лоиҳаҳои инфрасохторӣ дар кишварҳои гуногун таҷрибаи ғанӣ дорад ва мехоҳад ин ҳамкориро бо Тоҷикистон низ густариш диҳад.
Неругоҳи барқи обии «Роғун», ки дар рӯдхонаи Вахш сохта мешавад, пас аз анҷом ёфтан бо иқтидори 3 600 мегаватт бузургтарин неругоҳи барқи обӣ дар Осиёи Марказӣ хоҳад шуд. Ин неругоҳ на танҳо талаботи дохилии Тоҷикистонро бо неруи барқ таъмин мекунад, балки имконияти ба кишварҳои ҳамсоя содирот намудани барқро низ фароҳам меорад.
Ин мулоқот қадами муҳиме дар таҳкими ҳамкории иқтисодӣ ва ҷалби сармоягузории хориҷӣ барои татбиқи лоиҳаҳои стратегии Тоҷикистон, аз ҷумла Неругоҳи барқи обии «Роғун» арзёбӣ мегардад.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Рушди хатсайрҳои байналмилалии мултимодалӣ байни Тоҷикистон ва Туркманистон баррасӣ карда шуд
Ҳайати Тоҷикистон дар марҳилаи аввали омӯзиши таҷрибаи Қирғизистон дар соҳаи идоракунии молияи давлатӣ иштирок намуд
Татбиқи Лоиҳаи беҳтаргардонии таҷҳизоти сканеркунии борҳо дар нуқтаи назорати гумрукӣ дар Спитамен баррасӣ гардид
Дар Бохтар оид ба кам кардани талафоти неруи барқ вохӯрӣ доир гардид
Дар Бадахшон ҳаҷми истеҳсоли маҳсулоти кишоварзӣ беш аз 225 миллион сомониро ташкил дод
Дар Тоҷикистон шумораи занони соҳибкор ва роҳбарони хоҷагиҳои деҳқонӣ афзоиш меёбад
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
