Дар Донишгоҳи техникии Тоҷикистон бахшида ба Рӯзи ҷавонон ҳамоиш баргузор шуд
ДУШАНБЕ, 29.04.2025 /АМИТ «Ховар»/. Ҷавонони Тоҷикистон бо истифода аз имконоту иқтидори зеҳнӣ ва ҷисмонӣ муаррифи ҳақиқии миллат дар арсаи байналмилалӣ гардида, ҳамарӯза барои боз ҳам болотар бурдани нуфузи мамлакат талош менамоянд. Ин аст, ки Роҳбари давлат ба қабули ҳар қарор ва тасмим ба манфиати ҷавонон ва талаботи онҳо диққати махсус медиҳанд. Ин матлаб зимни ҳамоиши илмӣ дар мавзуи «Президент ва ҷавонон» ба муносибати сазовор истиқбол гирифтани моҳвораи ҷавонон ва Рӯзи ҷавонони Тоҷикистон (23 май), ки дар Донишгоҳи техникии Тоҷикистон ба номи академик Муҳаммад Осимӣ доир шуд, баён гардид.
Дар ҳамоиш ҳозирин дастовардҳои 34 соли соҳибистиқлолии ҷумҳурӣ, нақшу саҳми ҷавонон ва дастгириҳои пайвастаи давлату Ҳукуматро нисбат ба ҷавонон ёдовар шуданд. Иброз гардид, ки таҳти сарварии Президенти Тоҷикистон муҳтарам Эмомалӣ Раҳмон дар мамлакат мақоми салоҳиятноки давлатӣ дар самти кор бо ҷавонон амал менамояд. Дар солҳои соҳибистиқлолии ҷумҳурӣ мақоми ҷавонон ҳамчун ояндаи ҷумҳурӣ батадриҷ баланд гардид.
Ҷавононро зарур аст, ки бо истифода аз имконияти фароҳамоварда ҳарчи бештар ба омӯхтани илму дониш ва касбу ҳунар машғул бошанд, то фардои Ватан ва ояндаи миллатро ободу осуда гардонанд. Ҷавонони Тоҷикистони соҳибистиқлол неруи созандаи Ватан буда, нақши онҳо дар тараққиёти ҳамаи соҳаҳои ҳаёти давлат ва ҷомеа назаррас мебошад.
Дар фарҷом иштирокчиён доир ба мавзуъҳои мубрам ва калидии марбут ба сиёсати давлатии ҷавонон мубодилаи афкор намуданд.
АКС: Донишгоҳи техникии Тоҷикистон ба номи академик Муҳаммад Осимӣ
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
Дар Тоҷикистон сифати таҳсил баланд арзёбӣ мегардад, вале қонеъкунанда нест
35-СОЛАГИИ ИСТИҚЛОЛИ ДАВЛАТӢ. Дар Хатлон 341 иншооти соҳаи маориф ба истифода дода мешавад
Барои такмили ихтисоси мураббиёну омӯзгорон фаъолияти таълимӣ аз рӯйи низоми модулӣ оғоз гардид
