Дар Донишгоҳи техникии Тоҷикистон Маркази таълимӣ-истеҳсолии электромобилҳо таъсис дода мешавад
ДУШАНБЕ, 08.04.2025 /АМИТ «Ховар»/. 7 апрел дар доираи амалисозӣ ва пешбурди фаъолияти Маркази таҷрибавӣ ва таълимоти касбии Тоҷикистону Чин – коргоҳи Лубан мулоқоти Ректори Донишгоҳи техникии Тоҷикистон ба номи академик Муҳаммад Осимӣ Қудрат Давлатзода ва намояндагони Донишгоҳи касбӣ — техникии идораи шаҳрсозии Тянҷини Ҷумҳурии Мардумии Чин баргузор шуд. Дар ин хусус АМИТ «Ховар» бо истинод ба Донишгоҳи техникӣ хабар медиҳад.
Қудрат Давлатзода таҳкими минбаъдаи ҳамкории Донишгоҳи техникии Тоҷикистон бо Донишгоҳи касбӣ-техникии идораи шаҳрсозии Тянҷин ва Донишгоҳи шаҳрсозии Тянҷинро муҳим арзёбӣ намуда, зиёд намудани барномаҳои мубодилаи фарҳангӣ ва таълимӣ, аз ҷумла таъмини стипендияҳо ва таъсиси марказҳои таълимии иловагиро дар самти электромобилҳо дар заминаи факултети нақлиёт ва инфрасохтори роҳ, дастгирии ҳамкорӣ дар соҳаи амнияти киберӣ ва рақамикунонии таҳсилотро дар доираи Устохонаи Лубан (Luban Workshop) пешбарӣ намуд.
Ҳамзамон дар мулоқот масъалаҳои тақвияти ҳамкорӣ дар доираи Маркази таълими амалии геодезия ва картографияи интеллектуалӣ ва Маркази омӯзиши амалии энергияи «сабз», ки соли 2022 бо мақсади амалишавии «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар заминаи Донишгоҳи техникӣ бунёд шудааст, мавриди баррасии тарафайн қарор гирифтанд.
Дар баробари ин, ҷонибҳо барои ба сатҳи нави ҳамкорӣ баровардани муносибатҳои дуҷонибаи Тоҷикистону Чин изҳори қаноатмандӣ намуда, васеъ намудани табодули донишҷӯён, устодон ва муҳаққиқон, таваҷҷуҳи махсус ба фанҳои техникӣ, муҳандисӣ, технологияҳои «сабз» ва рақамӣ, омодасозии мутахассисони касбӣ бо стандартҳои байналмилалӣ дар бахши нақлиёти барқӣ ва технологияҳои нав ва баргузор намудани Форуми сеюми таҳсилоти касбӣ – муҳандисии Тоҷикистону Чинро баррасӣ намуданд.
АКС: Донишгоҳи техникии Тоҷикистон ба номи академик Муҳаммад Осимӣ
Дар Донишгоҳи давлатии омӯзгории Тоҷикистон ҷашни Наврӯз таҷлил гардид
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Дар Донишгоҳи давлатии Бохтар ду озмоишгоҳи муосир ба истифода дода шуд
Дар Литсей барои хонандагони болаёқат дар шаҳри Душанбе ҷашни Наврӯз бо риояи расму ойини миллӣ таҷлил гардид
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
