Дар ноҳияи Кӯшониён дар 320 гектар гармхона бунёд карда шудааст
ДУШАНБЕ, 05.04.2025. /АМИТ «Ховар»/. Кишоварзони ноҳияи Кӯшониён дар 320 гектар гармхона бунёд намудаанд, ки дар он сабзавоти ба талаботи бозори истеъмолӣ мувофиқ кишт мегардад. Дар айни замон дар ин гармхонаҳо коркард ва банду басти сабзавоти барвақтӣ, аз қабили бодиринг, помидор ва қаламфури булғорӣ идома дошта, нашъунамо дар ҳолати хуб қарор дорад.
Тавре ба АМИТ «Ховар» аз хадамоти матбуоти Раиси вилояти Хатлон иттилоъ доданд, ҳамасола дар ин гармхонаҳо даҳҳо номгӯй сабзавот кишту парвариш гардида, бозорҳои дохилӣ бо маҳсулоти тару тозаи ватанӣ таъмин мегарданд.
Сокини Ҷамоати «Сарвати Истиқлол»-и ноҳияи Кӯшониён Ҷӯрабой Аслев дар 12 садяк замин, ки аз ҳисоби заминҳои наздиҳавлигияш аст, гармхонаи доимамалкунанда бунёд намудааст. Ҳоло дар он бодиринг ва помидор парвариш карда мешавад. Дар ин гармхона аллакай ҷамъоварии ҳосили бодиринг оғоз гардидааст.
Хоҷагидорони ноҳия дар аксар заминҳои корами обӣ ба кишти пунбадона оғоз намудаанд. Кишоварзон имсол навъҳои пунбадонаи «Майа» ва «Флора» кишт кардаанд, ки тибқи тавсияи мутахассисон ин навъҳо ба заминҳои ин минтақа мувофиқ мебошанд.
Тибқи иттилои саҳмдорони хоҷагиҳои деҳқонӣ, ҳоло дар беш аз 5 гектар картошка кишт шудааст, ки нашъунамои хуб дорад.
АКС: Хадамоти матбуоти Раиси вилояти Хатлон
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
