Директори генералии Созмони озуқаворӣ ва кишоварзии Созмони Милали Муттаҳид ба Тоҷикистон меояд
ДУШАНБЕ, 26.04.2025. /АМИТ «Ховар»/. 27 апрел Директори генералии Созмони озуқаворӣ ва кишоварзии Созмони Милали Муттаҳид Тсюй Дунъюй ба Тоҷикистон ташриф меорад, иттилоъ медиҳад АМИТ «Ховар».
Дар доираи ин сафар мулоқоту вохӯриҳои роҳбарони як қатор вазорату идораҳои мамлакат бо Тсюй Дунъюй пешбинӣ шудааст. Директори генералии Созмони озуқаворӣ ва кишоварзии СММ ҳамчунин бо фаъолияти ҳоҷагии моҳипарварии Ҷамъияти дорои масъулияти маҳдуди «Баҳор» шинос гардида, аз дараи Алмосии шаҳри Ҳисор, ки барои ворид гардидан ба феҳристи «Низоми мероси кишоварзии дорои аҳамияти ҷаҳонӣ» пешниҳод шудааст, боздид ба амал меорад.
Тсюй Дунъюй дар давоми сафари корӣ бо намунаи санъати нодири меъморию шаҳрсозии мардуми тоҷик дар Муассисаи давлатии «Кохи Наврӯз» шинос шуда, аз Осорхонаи миллии Тоҷикистон низ дидан менамояд.
Ёдовар мешавем, ки 25 апрели соли 2024 Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар доираи сафари расмӣ ба Италия дар шаҳри Рим бо директори генералии Созмони озуқаворӣ ва кишоварзии Созмони Милали Муттаҳид Тсюй Дунъюй мулоқот намуданд.
Зимни мулоқот асосан масоили ҳамкории Тоҷикистон бо ин ниҳоди муҳими Созмони Милали Муттаҳид дар соҳаи кишоварзӣ баррасӣ гардид.
Созмони озуқаворӣ ва кишоварзии Созмони Милали Муттаҳид аз ниҳодҳои муҳими байналмилалие мебошад, ки соли 1945 дар назди Созмони Милали Муттаҳид ба хотири мубориза ба гуруснагӣ ва мусоидат ба таъмини амнияти озуқаворӣ таъсис шудааст. Дар айни замон 194 давлати ҷаҳон аъзои Созмони озуқаворӣ ва кишоварзии Созмони Милали Муттаҳид мебошанд.Қароргоҳи Созмони озуқаворӣ ва кишоварзии Созмони Милали Муттаҳид дар шаҳри Рими Италия ҷойгир аст.
АКС аз манбаъҳо боз
Сафири Тоҷикистон дар Русия бо ҷавонон ва донишҷӯёни тоҷик дар шаҳри Санкт-Петербург мулоқот намуд
Дар Женева дурнамо ва рушди ҳамкорӣ байни Тоҷикистон ва Созмони умумиҷаҳонии моликияти зеҳнӣ баррасӣ шуд
Сафири Тоҷикистон бо Губернатори Санкт – Петербург мулоқот намуд
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Қоҳира ҳамкорӣ байни ширкатҳои Тоҷикистону Миср баррасӣ гардид
Дар Душанбе Ҷаласаи навбатии Шурои сарони ҳукуматҳо (сарвазирон)-и давлатҳои узви СҲШ доир мегардад
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
Сафири Тоҷикистон дар Ҷумҳурии Корея бо мудири иҷроияи AFoCO мулоқот намуд
Дар Боку тавсеаи ҳамкории Тоҷикистон ва Озарбойҷон дар соҳаи воситаҳои ахбори омма баррасӣ гардид
Дар Сафорати Ҷумҳурии Тоҷикистон дар Русия Рӯзи Модар таҷлил гардид
