Мудири кулли Созмони озуқаворӣ ва кишоварзии СММ бо омӯзгорон ва донишҷӯёни Донишгоҳи аграрии Тоҷикистон мулоқот намуд
ДУШАНБЕ, 30.04.2025 /АМИТ «Ховар»/. 29 апрел Мудири кулли Созмони озуқаворӣ ва кишоварзии Созмони Милали Муттаҳид Тсюй Дунъюй дар Донишгоҳи аграрии Тоҷикистон ба номи Шириншоҳ Шоҳтемур бо омӯзгорон ва донишҷӯён мулоқот намуд.
Тавре АМИТ «Ховар» хабар медиҳад, дар вохӯрӣ ректори Донишгоҳи аграрӣ Усмон Маҳмадёрзода вобаста ба робитаҳои байналмилалӣ ва таърихи пурғановати донишгоҳ ибрози назар намуд.
Тсюй Дунъюй аз истиқболи гарму ҷӯшони аҳли донишгоҳ ва мулоқоти самимӣ ибрози қаноатмандӣ намуда, пешниҳод намуд, ки дар оянда ҳамкорӣ бо донишгоҳ боз ҳам қавӣ гардад. Тсюй Дунъюй ба донишҷӯён ва ҳайати профессорону омӯзгорон муроҷиат намуд, ки дастуру супоришҳои сиёсатмадори бузурги давру замон- Президенти Тоҷикистон муҳтарам Эмомалӣ Раҳмонро амалӣ созанду ватанро сидқан дӯст доранд, дастовардҳои мамлакатро ҳифз намуда, забонҳои зиёдро азхуд намоянд.
Инчунин меҳмонон бо гармхонаҳои муосир, ки тавассути шарикони ҳамкор-Ташкилоти байналхалқии ТICA — и давлати Туркия ва Ассосиатсияи ҳамкории ҷумҳуриҳои Осиёи Марказӣ ва Ҷумҳурии Кореяи Ҷанубӣ бунёд шудаанд, шинос шуданд. Ҳолати кунунии гармхонаҳо ва ҳосилбандии сабзавоти парваришшаванда писанди меҳмонон гардид.
Меҳмонон дар осорхонаи донишгоҳ бо дастовардҳои факултетҳо, ҷоизаҳо, гӯшаҳои сайёҳии кишоварзӣ ва ғайра шинос шуданд.
АКС: Донишгоҳи аграрии Тоҷикистон ба номи Шириншоҳ Шоҳтемур
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026-2030» таҳия ва амалӣ мегардад
СИЁСАТИ «ОСМОНИ КУШОД». Рушди авиатсияи гражданӣ зери таваҷҷуҳи доимии Президенти Тоҷикистон қарор дорад
Қатъномаи нави минтақавӣ оид ба муқовимат ба коррупсия бо иштироки Тоҷикистон қабул гардид
Агентии «Тоҷикстандарт : «380 тонна молу маҳсулоти муҳлати истеъмолаш гузашта ва ғайристандартӣ нобуд карда шуд»
Дар Токио Форуми тиҷоратии «Тоҷикистон – Ҷопон» баргузор шуд
Дар Вазорати рушди иқтисод ва савдои Тоҷикистон оид ба тайёр кардани кадрҳои сатҳи баланди илмӣ ҷаласа доир шуд
Дар Хатлон ҳамкорӣ бо сармоягузорони хориҷӣ ҷиҳати таъсиси нерӯгоҳҳои офтобиву бодӣ тақвият меёбад
Лоиҳаи «Кодекси экологии Ҷумҳурии Тоҷикистон» муаррифӣ гардид
Дар Душанбе Маркази рақамикунонӣ, инноватсия ва такмили кадрҳои соҳаи кишоварзӣ ифтитоҳ гардид
Дар доираи Муколамаи «Осиёи Марказӣ — Ҷопон» ҳамоиши канории «Tajik-Japan Digital Business Connect» баргузор шуд
«Стратегияи нави шарикии Бонки Осиёии рушд бо Ҷумҳурии Тоҷикистон барои солҳои 2026–2030» муаррифӣ карда шуд
СОЛҲОИ РУШДИ САНОАТ. Дар шаҳри Турсунзода зиёда аз 100 корхонаи хурду бузурги саноатӣ фаъолият менамояд
