Намояндагони ширкати «Хан Хай Си Че Маой»-и Чин бо фаъолияти Минтақаи озоди иқтисодии «Суғд» шинос шуданд

Апрель 24, 2025 17:50

ДУШАНБЕ, 24.04.2025 /АМИТ «Ховар»/. 23 апрел вохӯрии роҳбари Минтақаи озоди иқтисодии «Суғд» Муҳаммад Муҳаммадзода бо намояндагони ширкати «Хан Хай Си Че Маой»-и Ҷумҳурии Мардумии Чин, ки  бо мақсади шиносоӣ бо фаъолияти ин минтақа ва густариши робитаҳои сармоягузорӣ ба Тоҷикистон омадаанд, баргузор шуд.

Тавре АМИТ «Ховар» бо истинод ба маъмурияти Минтақаи озоди иқтисодии «Суғд» хабар медиҳад, дар мулоқот ба меҳмонон доир ба фаъолият ва имтиёзҳои минтақа тариқи рӯнамо маълумот пешниҳод гардид.

Намояндагони ширкати «Хан Хай Си Че Маой» оид ба фаъолияти ширкат сухан гуфта, иброз намуданд, ки ширкат нақша дорад мошини сабукрави тамғаи 212-ро, ки барои сайёҳон муносиб ва замонавӣ аст,  истеҳсол намояд.

Ҳамчунин вобаста ба тараққиёти босуръати соҳаи сайёҳӣ дар Тоҷикистон ва шароиту имконияти мусоиди сармоягузорӣ дар Минтақаи озоди иқтисодии «Суғд» меҳмонон иброз намуданд, ки мехоҳанд дар оянда субъекти ин минтақаи озоди иқтисодӣ шаванд.

АКС: Минтақаи озоди иқтисодии «Суғд»

 

 

Апрель 24, 2025 17:50

Хабарҳои дигари ин бахш

Хайринисо Идрисова: «Дастарӣ ба маблағи гранти президентӣ имкон дод, ки фаъолияти ҳунармандиямро васеъ намоям»
Панҷакент — яке аз аввалин шаҳрҳои Тоҷикистон, ки дар солҳои соҳибистиқлолӣ аз шаҳри аграрӣ ба саноативу аграрӣ табдил ёфт
Дар Душанбе оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 баррасӣ гардид
Дастовардҳои Тоҷикистон дар Форуми иқтисоди рақамии Созмони ҳамкории Шанхай-2025 муаррифӣ гардид
Дар ноҳияи Данғара корхонаи истеҳсоли маҳсулоти саноатӣ сохта мешавад
Имсол дар Бадахшон 45 корхонаву коргоҳҳои саноатӣ ба фаъолият оғоз намуд
Ҳайати Тоҷикистон дар ҷаласаи маҳдуди сатҳи вазирони иқтисоди СҲШ дар Чин иштирок намуд
Иттиҳоди Аврупо дар Тоҷикистон лоиҳаҳои соҳаи энергетикаро амалӣ менамояд
Дар Вазорати рушди иқтисод ва савдои Тоҷикистон татбиқи ташаббуси ҷаҳонии «Global Gateway» баррасӣ гардид
ДАРАИ АЛМОСӢ. Аз ҷониби ҷомеаи ҷаҳонӣ ҳамчун мавзеи беназири таърихии кишоварзӣ этироф гардид
Дараи Алмосии шаҳри Ҳисор расман ба феҳристи «Низоми мероси кишоварзии дорои аҳамияти ҷаҳонӣ» ворид карда шуд
Дар Бонки миллӣ бо ҳайати Дафтари Швейтсария оид ба ҳамкорӣ дар Ҷумҳурии Тоҷикистон вохӯрӣ доир гардид