«НАВРӮЗ-ҚАДИМТАРИН МЕРОСИ ФАРҲАНГИ САЙЁҲӢ ДАР МИНТАҚА». Муколамаи минтақавии Тоҷикистон, Қирғизистон ва Узбекистон баргузор гардид
ДУШАНБЕ, 02.04.2025. /АМИТ «Ховар»/. 1 апрел дар шаҳри Хуҷанди вилояти Суғд дар ҳошияи таҷлили Ҷашни байналмилалии Наврӯз ҳамоиши канории сайёҳӣ-Муколамаи минтақавии давлатҳои Тоҷикистон, Қирғизистон ва Узбекистон дар мавзуи «Наврӯз – қадимтарин мероси фарҳангию сайёҳӣ дар минтақа» баргузор гардид. Дар ин хусус ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон хабар доданд.
Дар ҳамоиш муовини Сарвазири Ҷумҳурии Тоҷикистон Дилрабо Мансурӣ, Раиси Кумитаи рушди сайёҳии назди Ҳукумати Ҷумҳурии Тоҷикистон Ҷамшед Ҷумъахонзода, Раиси Кумитаи сайёҳии назди Вазорати экология, ҳифзи муҳити зист ва тағйийрёбии иқлими Ҷумҳурии Узбекистон Умид Шадиев, Директори Департаменти сайёҳии назди Вазорати иқтисод ва савдои Ҷумҳурии Қирғизистон Эрденет Касимов ва намояндагони ширкатҳои сайёҳии Тоҷикистон, Узбекистон ва Қирғизистон иштирок намуданд.
Муовини Сарвазири Ҷумҳурии Тоҷикистон Дилрабо Мансурӣ зимни ҳамоиш вобаста ба Иди байналмилалии Наврӯз иброз дошт, ки он ҷашни қадимӣ, муттаҳидгари халқҳо, дӯстию бародарӣ ва эҳёшавии табиат мебошад.
«Тавассути сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон равобити дӯстонаи Тоҷикистон бо ҳама давлатҳо, аз ҷумла мамлакатҳои ҳамсоя ба роҳ монда шуд. Ин метавонад барои рушди соҳаи сайёҳии ҷонибҳо ва зиёд гардидани шумораи сайёҳон замина гузорад»,-изҳор дошт Дилрабо Мансурӣ.
Ҳамчунин гуфта шуд, ки дар доираи сиёсати дӯстона ва бародаронаи Сарони се давлати дӯст ҳамкорӣ дар соҳаи сайёҳӣ дар ҳоли рушд буда, баргузории чунин ҳамоишҳо барои боз ҳам тақвият бахшидани робитаҳо, истифода намудани таҷрибаи якдигар, бастани созишномаҳои ҳамкорӣ байни ширкатҳои сайёҳӣ ва дигар субъектҳои хизматрасони соҳаи сайёҳӣ фазои мусоид фароҳам меорад.
Дар ҳамоиш байни ширкати сайёҳии ҷумҳуриҳои Тоҷикистон, Узбекистон ва Қирғизистон санадҳои ҳамкорӣ ба имзо расиданд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дар Душанбе Фестивали байналмилалии «Наврӯз-мероси фарҳангию ҷаҳонгардӣ» доир мегардад
Дурнамои рушди ҳамкории Тоҷикистон ва Ҳиндустон дар соҳаи энергетика баррасӣ шуд
НАВРӮЗ-БРЕНДИ МИЛЛИИ САЙЁҲӢ. Сайёҳони хориҷӣ дар ин рӯзҳо бо таърих, фарҳанг ва расму оинҳои халқи тоҷик бештар шинос мегарданд
Пешвои миллат: «Кишоварзон бояд аз ҳар рӯзи мусоиди фасли баҳор истифода баранд»
БРЕНДИ САЙЁҲИИ ТОҶИКИСТОН. Ҷашни Наврӯз пули дӯстӣ байни миллатҳо мебошад
Эмомалӣ Раҳмон: «Кишоварзонро зарур аст рӯзҳои мусоиди баҳориро самаранок истифода намоянд»
Блогерон ва хабарнигорони расонаҳои хориҷӣ барои инъикоси Наврӯз ба Тоҷикистон меоянд
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Наврӯз ҳамчун бренди миллӣ ва абзори «дипломатияи фарҳангӣ»: натиҷаҳо ва дурнамои Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ»
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор гардид
