«ОИЛАИ БЕҲТАРИН». Ин озмун дар ноҳияи Ҷалолиддини Балхӣ баргузор гардид

Апрель 26, 2025 18:30

ДУШАНБЕ, 26.04.2025. /АМИТ «Ховар»/. 23 апрел  дар ноҳияи Ҷалолиддини Балхии вилояти Хатлон даври ноҳиявии Озмуни ҷумҳуриявии «Оилаи беҳтарин» баргузор гардид. Дар ин хусус ба АМИТ «Ховар» аз мақомоти иҷроияи ҳокимияти давлатии ин ноҳия хабар доданд.

Иброз гардид, ки таҳкими фарҳанги оиладорӣ ва дастгирии оилаҳо самти афзалиятноки сиёсати иҷтимоӣ ба ҳисоб меравад. Аз ин рӯ солҳои охир шумораи озмунҳои маърифатӣ бештар гардида, бо мақсади таҳкими арзишҳои миллӣ ва маънавии зиндагии оилавӣ, баланд бардоштани масъулияти падару модар дар тарбияи фарзандон, пешгирии пошхӯрии оилаҳо ва ташвиқи тарзи ҳаёти солим байни аҳолӣ гузаронида мешавад.

Дар озмун оилаҳое, ки дар ноҳия бо маҳорати идоракунии рӯзгор, тарбияи дурусти фарзандон ва риояи арзишҳои ахлоқию фарҳангӣ намунаи ибрат ҳастанд, байни  ҳам рақобат намуданд. Дар натиҷа беҳтарин оилаҳо интихоб ва бо туҳфаҳои хотиравии мақомоти иҷроияи ҳокимияти давлатии ноҳия қадрдонӣ шуданд.

Ёдовар мешавем, ки озмун бо мақсади арҷгузорӣ ба арзишҳои миллии фарҳанги оиладорӣ, таҳкими оила, бунёд ва мустаҳкамсозии муносибатҳои оилавӣ дар заминаҳои муҳаббату эҳтироми якдигар, баланд бардоштани масъулияти оила дар тарғиби фарҳанги оиладорӣ, таъмин ва ҳифзи ҳуқуқу уҳдадориҳои оила дар иҷрои рисолати иҷтимоишавии шахс дар муҳити оила, пешгирии пошхӯрии оила, махсусан оилаҳои ҷавон, пешгирии никоҳҳои бармаҳал ва хешутаборӣ, пешгирии ҳолатҳои дахолати беасоси шахсони сеюм ба муносибатҳои оилавӣ гузаронида мешавад.

Озмун аз се давр иборат буда, ҳамасола давоми моҳҳои апрел ва май дар шаҳру ноҳияҳои мамлакат баргузор мегардад.

АКС: Мақомоти иҷроияи ҳокимияти давлатии ноҳияи Ҷалолиддини Балхӣ

 

 

Апрель 26, 2025 18:30

Хабарҳои дигари ин бахш

Муносибатҳои сиёсию иқтисодӣ ва фарҳангии Тоҷикистон бо давлатҳои Аврупо баррасӣ гардид
Дар доираи иҷлосияи 80-уми Маҷмаи Умумии Созмони Милали Муттаҳид масъалаҳои соҳаи тандурустӣ баррасӣ гардиданд
Доир ба нақши Мактаби давлатдории Эмомалӣ Раҳмон дар таҳкими маориф ва рушди он конференсия баргузор шуд
Дар ноҳияи Рӯдакӣ ҷаласаи Шурои муросо баргузор гардид
Дар Тоҷикистон маъракаи иммунизатсия бар зидди вируси папилломаи одам оғоз мегардад
Дурнамои ҳамкории Тоҷикистон ва Туркия дар самти меҳнат ва шуғли аҳолӣ баррасӣ гардид
Вобаста ба баланд бардоштани тавонмандсозӣ барои самаранокии идораи давлатӣ ҳамоиш доир шуд
«ЗАНОН ДАР ИҚТИСОДИ «САБЗ» ВА РАҚАМӢ». Дар шаҳри Гулистон Форуми минтақавии Муколамаи занони Осиёи Марказӣ доир шуд
Беш аз 80 ҳазор нафақагирони шаҳри Душанбе аз индексатсия баҳраманд шуданд
Озмуни ҷумҳуриявии нонпазии «Зеби дастархон» ҷамъбаст шуд
Намояндаи Тоҷикистон дар Форуми байналмилалӣ оид ба таҷрибаи Тоҷикистон дар омӯзиши бозори меҳнат сухан гуфт
Раиси Шурои уламои Тоҷикистон бо медали фахрии Анҷумани роҳбарони динҳои ҷаҳонӣ ва суннатӣ сарфароз гардонида шуд