«Саноатсодиротбонк» аъзои Ассотсиатсияи институтҳои молиявии рушд дар Осиё ва минтақаи уқёнуси Ором гардид
ДУШАНБЕ, 28.04.2025. /АМИТ «Ховра»/. Аз 23 то 25 апрел дар шаҳри Масқати Салтанати Уммон ҷаласаи 48-уми солонаи Ассотсиатсияи институтҳои молиявии рушд дар Осиё ва минтақаи уқёнуси Ором (ADFIAP) баргузор гардид. Дар ин хусус ба АМИТ «Ховар» аз Корхонаи воҳиди давлатии Бонки саноатию содиротии Тоҷикистон «Саноатсодиротбонк» хабар доданд.
Ҷаласа таҳти унвони «Шукуфоии иқтисодӣ ва таъсири он ба рушд барои устувории оянда» доир гардида, ба КВД БССТ «Саноатсодиротбонк» нишони расмии аъзои Ассотсиатсияи институтҳои молиявии рушд дар Осиё ва минтақаи уқёнуси Ором (ADFIAP) тақдим карда шуд.
Дар доираи ин ҷаласа Шурои 98-уми директорони Ассотсиатсияи институтҳои молиявии рушд дар Осиё ва минтақаи уқёнуси Ором, Ассамблеяи генералии 29-уми ғайринавбатӣ, конфронси солона ва маросими супоридани ҷоизаҳои он дар соли 2025 баргузор гардид. Инчунин дар рафти кори Шурои навбатӣ масъалаҳои вобаста ба ҳамкории муштараки молиявӣ мавриди баррасӣ қарор гирифт.
Ҳайати КВД БССТ «Саноатсодиротбонк» дар доираи баргузории ин чорабиниҳо бо намояндагони Бонки саноативу истиҳроҷи Эрон, Корпоратсияи рушди давлатии «ВЭБ.РФ», Бонки рушди Ҷопон, Бонки Ҷопон оид ба ҳамкории байналмилалӣ, Бонки рушди Филиппин, Бонки дастгирии соҳибкории хурду миёнаи Малайзия мулоқоту вохӯриҳо гузарониданд.
Узвият дар ин ассотсиатсияи бонуфуз имконияти васеъро барои ба роҳ мондани ҳамкории самаранок бо аъзои он дар самти ҳамкории муросилотӣ, ҷалби сармояи хориҷӣ, маблағгузории муштараки лоиҳаҳои устувор, баланд бардоштани иқтидори кадрӣ ва омӯзиши амалияи муосири бонкӣ фароҳам меорад.
АКС: Корхонаи воҳиди давлатии Бонки саноативу содиротии Тоҷикистон «Саноатсодиротбонк»
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ҚУРБИ АСЪОР: 1 рубли русӣ аз 0.1170 то 0.1189 сомонӣ муқаррар шудааст
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
