Сарвари давлат Эмомалӣ Раҳмон бо фаъолони соҳаи саноати вилояти Суғд мулоқот намуданд
ДУШАНБЕ, 01.04.2025 /АМИТ «Ховар»/. 1 апрел Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон баъди оғоз бахшидан ба сохтмони корхонаи ғанигардонии маъданҳои Ҷамъияти саҳомии пӯшидаи «Комбинати металлургии Тоҷик» дар ноҳияи Бобоҷон Ғафуров бо фаъолони соҳаи саноати вилояти Суғд мулоқот намуданд.
Сарвари давлат муҳтарам Эмомалӣ Раҳмон сафари корӣ дар як қатор шаҳру ноҳияҳои вилояти Суғдро дар рӯзҳои 29-30 март натиҷагирӣ карда, оид ба вазъи корҳои созандагӣ ва рушди соҳаи саноати кишвар бо таҳлилҳо андешаронӣ намуданд.
Таъкид гардид, ки ҳамаи тадбирҳои дар даврони соҳибистиқлолӣ амалинамудаи Ҳукумати кишвар ба баланд бардоштани сатҳу сифати зиндагии мардуми Тоҷикистон равона гардида, то имрӯз барои расидан ба ин ҳадафи олӣ заминаи мусоиди кору фаъолият фароҳам оварда шудааст.
Гуфта шуд, ки танҳо дар панҷ соли охир дар ҳудуди вилояти Суғд 680 корхонаву коргоҳҳои саноатӣ бо таъсиси ҳазорҳо ҷойи нави корӣ бунёд ёфта, ба фаъолияти истеҳсолӣ оғоз кардааст. Дар ин давра ҳаҷми истеҳсоли маҳсулоти саноатии вилоят мунтазам афзоиш ёфта, соли 2024 ба 30,4 миллиард сомонӣ расид, ки нисбат ба соли 2020-ум ду баробар зиёд мебошад.
Ба таъкиди Пешвои миллат муҳтарам Эмомалӣ Раҳмон ин нишондиҳандаҳо, бо дарназардошти захираву иқтидорҳои мавҷуда, барои расидан ба ҳадафи саноатикунонии босуръати кишвар ва таъмин намудани аҳолӣ бо шуғли пурмаҳсул ҳоло ҳам нокифоя мебошанд.
Аз ин рӯ Мақомоти иҷроияи ҳокимияти давлатии вилоят ва шаҳру ноҳияҳои он, вазоратҳои саноат ва технологияҳои нав, кишоварзӣ ва дигар вазорату идораҳои марбута вазифадор шуданд, ки барои ба роҳ мондани истеҳсоли маҳсулоти рақобатноки дорои арзиши баланди илова тамоми тадбирҳои заруриро амалӣ намоянд.
Зимни таҳлили вазъи содирот иброз гардид, ки имкониятҳои вилоят доир ба зиёд кардани ҳаҷми содирот, бахусус, содироти маҳсулоти тайёр ҳоло ҳам пурра истифода нашуда истодааст.
Барои рушди соҳаи саноати маъдан ва ба кор даровардани иқтидорҳои нави истеҳсолӣ, ташкили ҷойҳои корӣ ва истеҳсоли маҳсулоти содиротӣ ба сохторҳои дахлдор супоришҳои мушаххас дода шуд.
Пешвои миллат ҳадафи бунёди Корхонаи ғанигардонии маъдани оҳани «Комбинати металлургии Тоҷик» дар ноҳияи Бобоҷон Ғафуровро пешрафти соҳаи саноат, бахусус мусоидат ба рушди соҳаи саноати маъдан ва таъсиси ҷойҳои корӣ маънидод намуданд. Гуфта шуд, ки дар ҷараёни сохтмони корхона наздики 600 нафар, дар марҳилаи аввали ба кор даромаданаш 1 ҳазору 200 нафар ва пас аз пурра омода шудани он 2 ҳазор шаҳрванд бо кори доимӣ ва маоши хуб таъмин мегарданд.
Баъди таҳлили вазъи истихроҷ ва истеҳсолу коркарди маҳсулот дар корхонаҳои саноатии вилояти Суғд Сарвари давлат сохторҳои марбутаро барои ба роҳ мондани фаъолияти истихроҷ ва коркарди маҳсулот вазифадор намуданд.
Таъкид гардид, ки имрӯзҳо дар саросари кишвар, аз ҷумла дар вилояти Суғд барои дар сатҳи шоиста ҷашн гирифтани 35-солагии истиқлоли давлатӣ корҳои ободониву созандагӣ вусъат гирифта истодааст, ки дар ин раванд соҳибкорон саҳми назаррас доранд.
Пешвои миллат муҳтарам Эмомалӣ Раҳмон ба роҳбарияти мақомоти иҷроияи ҳокимияти давлатии вилояти Суғд ва шаҳру ноҳияҳои он супориш доданд, ки барои иҷрои саривақтӣ ва босифати нақшаҳои пешбинигардидаи ҷашни 35-солагии Истиқлоли давлатӣ чораҳои мушаххас андешанд.
Дастурҳои дигар ба масъулини як қатор сохторҳои давлатӣ вобаста ба таъсиси корхонаҳо, ташкили ҷойҳои нави корӣ ва бартараф кардани омилҳои боздорандаи рушди соҳаи саноат, дода шуд.
Дар фароварди сухан Роҳбари давлат муҳтарам Эмомалӣ Раҳмон аз сармоягузорону соҳибкорон ва роҳбарони корхонаву коргоҳҳои саноативу кишоварзии вилоят талаб намуданд, ки барои амалӣ гардондани ҳадафҳои умумимиллӣ ва рушду пешрафти кишвар талош варзанд.









Дар деҳаи Истиқлоли ноҳияи Деваштич майдончаи варзишӣ ба истифода дода шуд
Дар минтақаи Рашт 30 оилаи ниёзманд соҳиби манзили истиқоматӣ шуда, ду корхонаи саноатӣ фаъол гардид
Сафари кории Президенти Федератсияи Русия дар Ҷумҳурии Тоҷикистон ба анҷом расид
Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин мулоқот намуданд
Президенти Федератсияи Русия Владимир Путин бо сафари корӣ ба Тоҷикистон ташриф овард
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Президенти Ҷумҳурии Тоҷикистон Эмомалӣ Раҳмон муовини Котиби давлатии Иёлоти Муттаҳидаи Амрико Кристофер Ландауро ба ҳузур пазируфтанд
Дар Тоҷикистон нахустин маротиба Форуми байналмилалии саноати ангишт доир мегардад
Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
Ба сохтмони бинои нави Коллеҷи омори шаҳри Ваҳдат санги асос гузошта шуд
Президенти Ҷумҳурии Тоҷикистон Эмомалӣ Раҳмон Беморхонаи байналмилалии Душанберо мавриди истифода қарор доданд






